मित्राची श्रीमंती डोळ्यात खुपली, मग घडवून आणलं हदरवून टाकणारं हत्याकांड, नागपुरात काय घडलं?
नागपूरच्या हुडकेश्वर पोलीस स्टेशन हद्दीत एका 19 वर्षीय मित्राने आपल्याच अल्पवयीन मित्राची कोल्ड्रिंकमध्ये जहर देऊन हत्या केल्याचा प्रकार समोर आला आहे.
नागपूरच्या हुडकेश्वर पोलीस स्टेशन हद्दीत एका 19 वर्षीय मित्राने आपल्याच अल्पवयीन मित्राची कोल्ड्रिंकमध्ये जहर देऊन हत्या केल्याचा प्रकार समोर आला आहे.
मृतक मित्र श्रीमंत घरातील असल्याने तो श्रीमंती दाखवत होता याचा आरोपीला हेवा वाटला. यातूनच त्याने आपल्याच मित्राची हत्या केली असल्याचे पालोस तपासात पुढे आले आहे.
वेदांत खंदाडे मृतकाचे नाव असून आरोपीचे नाव मिथिलेश चकोले असे आहे. वेदांत आणि मिथिलेश हे दोघेही मित्र होते. वेदांतच्या घराची परिस्थिती चांगली होती.
त्याच्या वडिलांनी काही दिवसांपूर्वी वडिलोपार्जित शेती विकून ते या परिसरात राहायला आले. कालांतराने वेदांत आणि मिथिलेशची मैत्री झाली.
मिथिलेश हा साधारण परिवारातील आहे. दोघेही चांगले मित्र असल्याने 8 तारखेला दोघेही फिरायला गेलेय एका पान टपरीवर दोघांनी कोल्ड्रिंक घेतली आणि पिली. मात्र आरोपीने नकळतपणे त्याच्या कोल्ड्रिंकमध्ये विष टाकलं. त्यामुळे काही वेळातच त्याची ताब्यात बिघडली.
त्याला रुग्णालयात दाखल केले मात्र चार दिवसांनी त्याचा मृत्यू झाला. तक्रार होताच प्रकरणाचा पोलिसांनी तपास सुरू केला. या तपासात वेदांतचा मृत्यू जहर पिल्याने झाल्याचं समोर आलं. पोलिसांनी घरच्यांची विचारपूस केली आणि माहिती घेऊन त्याच्या मित्राची चौकशी केली असता सगळा प्रकार समोर आला.
या प्रकरणात सुरवातीला पोलिसांनी अकस्मात मृत्यूची नोंद केली होती. मात्र आता आरोपी मित्राला अटक करत हत्येचा गुन्हा दाखल करण्यात आला आहे. या प्रकरणात खंडणीच्या संदर्भात एक पत्र मिळाल्याचं पण पुढे येत आहे. पोलीस त्याचाही तपास करत आहेत.
