ना प्रवास, ना जास्त खर्च, पनवेलमधील हे ठिकाण पाहण्यासाठी पर्यटकांची गर्दी, सौंदर्य पाहून लोक….
पावसाळ्यात नेहमीच्या पर्यटनस्थळांपेक्षा काहीतरी वेगळे अनुभवायचे असेल तर पनवेल परिसरातील ही निसर्गरम्य ठिकाणे तुमच्या वीकेंड ट्रिपच्या यादीत नक्की समाविष्ट करू शकता. जाणून घ्या सविस्तर
पावसाळा सुरू झाला की मुंबई आणि परिसरातील निसर्गरम्य ठिकाणांना पर्यटकांची पसंती मिळते. हिरवाईने नटलेल्या डोंगररांगा, धुक्याची चादर, खळखळणारे धबधबे आणि आल्हाददायक वातावरणाचा आनंद घ्यायचा असेल तर पनवेल परिसरातील पर्यटनस्थळांना नक्की भेट देता येईल.
कर्नाळा पक्षी अभयारण्य हे पनवेलजवळील लोकप्रिय पर्यटनस्थळ आहे. घनदाट हिरवाईने वेढलेल्या या अभयारण्यात विविध रंगीबेरंगी पक्ष्यांचे निरीक्षण करता येते. याच परिसरात ऐतिहासिक कर्नाळा किल्ला असून साहसी पर्यटकांसाठी ट्रेकिंगचीही संधी आहे.
पावसाळ्यात धुक्याने वेढलेल्या डोंगररांगा आणि हिरवाईचा मनमोहक नजारा पाहायचा असेल, तर खारघर हिल्सला भेट देता येईल. मोकळी हवा, निसर्गरम्य दृश्ये आणि पावसाळ्यातील आल्हाददायक वातावरणामुळे हे ठिकाण पर्यटकांच्या पसंतीस उतरते.
प्रबळगड किल्ला हा कलावंतीण दुर्गाच्या शेजारी असलेला ऐतिहासिक गिरीदुर्ग आहे. गडाच्या परिसरातून पश्चिम घाटातील डोंगररांगांचे विहंगम दृश्य पाहता येते. त्यामुळे ट्रेकिंगसोबतच निसर्गप्रेमींसाठीही हे ठिकाण खास आहे.
चंदेरी किल्ला हादेखील ट्रेकर्समध्ये लोकप्रिय आहे. येथून इर्शाळगड, कर्नाळा आणि परिसरातील इतर डोंगरशिखरांचे सुंदर दृश्य पाहायला मिळते. वीकेंडला या ठिकाणी साहसी पर्यटकांची गर्दी असते.
