‘नवरी मिळे हिटलरला’मध्ये एजेवर संकट; लीला यातून कसा काढणार मार्ग?
यश आणि रेवतीचं लग्न लावून देण्यात लीला यशस्वी होईल का? श्वेता आणि लीला यांच्यात नेमका काय करार झाला? या सर्व प्रश्नांची उत्तरं मालिकेच्या आगामी भागात मिळतील. 'नवरी मिळे हिटलरला' ही मालिका दररोज रात्री 10 वाजता झी मराठी वाहिनीवर प्रेक्षकांच्या भेटीला येते.
झी मराठी वाहिनीवरील 'नवरी मिळे हिटलरला' या मालिकेचं कथानक अत्यंत रंजक वळणावर येऊन पोहोचलं आहे. जहागीरदारांच्या घरी दिवाळी दणक्यात साजरी करण्यात आली.
रेवती एजेला भाऊबीजेच्या भेटीमध्ये लीलाची काळजी घेण्यासाठी आणि ती आनंदात कशी राहील यासाठी प्रयत्न करण्याचं वचन मागते.
इकडे श्वेता एजेसमोर विष प्यायल्याचं नाटक करते, ज्यामुळे एजेला अटक होते. ही बातमी कळताच लीला ठरवते की ती काहीही करून एजेची सुटका करणार. लीला रात्रभर पोलीस ठाण्याबाहेर थांबते.
ती ठरवते की श्वेताविरुद्ध सगळे पुरावे गोळा करायचे आणि एजेची सुटका करायची. ती रुग्णालयात जाऊन श्वेताला भेटते आणि सरोजिनीच्या मदतीने श्वेताशी डील करण्याचा प्रयत्न करते.
आता ही डील यशस्वी होईल का, हे पाहणं महत्त्वाचं ठरणार आहे. दुसरीकडे वसंतला म्हणजेच रेवतीच्या बाबांना रेवती आणि यशच्या प्रेमाबद्दल समजतं. लीला कलिंदिला वचन देते की, ती यश आणि रेवतीचं लग्न लावून देईल.
