भाजप राष्ट्रीय अध्यक्ष नितीन नबीन गुजरात दौऱ्यावर, अक्षरधाम मंदिरात घेतले स्वामी महाराजांचे आशिर्वाद
भारतीय जनता पार्टीचे राष्ट्रीय अध्यक्ष नितिन नबीन यांनी गुजरातच्या पहिल्या दौऱ्यावर गांधीनगर येथील स्वामीनारायण अक्षरधाम येथे परम पूज्य महंत स्वामी महाराजांची भेट घेतली. या भेटीत त्यांनी आशीर्वाद घेतले. याप्रसंगी शांती, एकता, सौहार्द आणि राष्ट्रनिर्मितीसाठीच्या मूल्यांवर चर्चा झाली. ही भेट सामाजिक सलोखा आणि समाजाच्या सर्वांगीण विकासासाठीच्या बांधिलकीचे प्रतीक ठरली.
भारतीय जनता पार्टीचे राष्ट्रीय अध्यक्षपद स्वीकारल्यानंतर गुजरातच्या पहिल्या दौऱ्यावर आलेल्या नितिन नबीन यांनी गांधीनगर येथील स्वामीनारायण अक्षरधाम येथे परम पूज्य महंत स्वामी महाराज यांची शिष्टाचार भेट घेऊन त्यांचे आशीर्वाद घेतले.
श्री नितिन नबीन यांच्यासोबत भाजपचे वरिष्ठ नेतेही यावेळी उपस्थित होते. भाजपा गुजरातचे अध्यक्ष जगदीश विश्वकर्मा, राष्ट्रीय महामंत्री (संघटन) बी. एल. संतोष तसेच भाजपा गुजरातचे संघटन मंत्री रत्नाकरजी यांचा त्यात समावेश होता.
अत्यंत आत्मीयता आणि श्रद्धेच्या वातावरणात ही भेट पार पडली. यावेळी प्रतिनिधीमंडळाने महंत स्वामी महाराज यांचे आशीर्वाद घेतले. या प्रसंगी परम पूज्य स्वामीजींनी त्यांच्या समर्पित सेवाकार्यासाठी तसेच भारतात सातत्याने शांती, एकता, सौहार्द आणि समृद्धी नांदावी यासाठी मनःपूर्वक प्रार्थना केली.
राष्ट्रनिर्मितीसाठी सत्यनिष्ठा, करुणा आणि निःस्वार्थ नेतृत्व या शाश्वत मूल्यांना मार्गदर्शक तत्त्वे म्हणून स्वीकारण्यावर महंत स्वामी महाराजांनी भर दिला. ही भेट सामाजिक सौहार्द, सांस्कृतिक मूल्ये आणि समाजाच्या सर्वांगीण विकासासाठी असलेल्या सामायिक बांधिलकीचे प्रतीक ठरली.
अक्षरधामचे शांत आणि आध्यात्मिक वातावरण या संवादासाठी दिव्य पार्श्वभूमी ठरले आणि सार्वजनिक जीवनात नैतिक व आचारधर्माच्या मूल्यांचे महत्त्व पुन्हा अधोरेखित केले.
