
उत्तर आफ्रिकेलीतील लीबिया या देशात सध्या पुरामुळे हाहा:कार माजला आहे. लीबिया देशातील डर्ना शहरात आलेल्या चक्रीवादळामुळे आणि पुरामुळे हजारो लोक मृत्यूमुखी पडले आहेत.

आतापर्यंत इथं 5 हजार 300 लोकांचा मृत्यू झाला आहे. तर मागच्या 24 तासात 1500 हून अधिक लोकांनी आपला जीव गमावला आहे.

डेनियल या चक्रीवादळामुळे लीबियामध्ये प्रचंड नुकसान झालं आहे. या चक्रीवादळामुळे इथे पूरही आला आहे. यात अनेकांना आपला जीव गमवावा लागला आहे. तर आर्थिक नुकसानही मोठ्या प्रमाणावर झालं आहे.

पुरामुळे मोठमोठ्या इमारती जमीनदोस्त झाल्या आहेत. त्यामुळे तिथल्या स्थानिक नागरिकांचं मोठं आर्थिक नुकसान झालं आहे. शिवाय शेतीचंही मोठं नुकसान झालं आहे.

केवळ डर्ना शहरातच नव्हे तर अल-बायदा, अल-मर्ज, टोब्रुक, ताकेनिस, अल-बायदा, बट्टा या शहरंही या पुरामुळे प्रभावित झाली आहेत.