भारतातील ‘हा’ तरंगता सौरउर्जा प्रकल्प पाहिलात का?
सिम्हाद्री कोल फायर पॉवर स्टेशनच्या परिसरात असलेल्या जलाशयात हा तरंगता सौरउर्जा प्रकल्प उभारण्यात आला आहे.
- आंध्र प्रदेशात देशातील सर्वाधिक मोठा तरंगता सौरउर्जा प्रकल्प उभारण्यात आला आहे. राष्ट्रीय औष्णिक उर्जा निर्मिती (NTPC) संस्थेकडून मान्यता मिळालेल्या या सौरउर्जा प्रकल्पातून 25 मेगावॅट वीजेची निर्मिती होईल.
- सिम्हाद्री कोल फायर पॉवर स्टेशनच्या परिसरात असलेल्या जलाशयात हा तरंगता सौरउर्जा प्रकल्प उभारण्यात आला आहे.
- हा प्रकल्प भारतातील सौरउर्जा उत्पादन निर्मिती क्षेत्रासाठी क्रांतिकारी ठरू शकतो. भारताने आगामी काळात रिन्युबल एनर्जीवर लक्ष केंद्रित करायचे ठरवले आहे. त्यादृष्टीने हा प्रकल्प महत्त्वाचे पाऊल ठरू शकतो.
- पाण्यावर उभारण्यात आलेल्या या सौरउर्जा प्रकल्पामुळे या भागातील तापमान कमी राहण्यास मदत होईल. तसेच पाण्याचे बाष्पीभवन रोखले जाऊन पाण्याचा अपव्यय टळेल.
- सिम्हाद्री जलाशयाच्या 75 एकर क्षेत्रात हा तरंगात सौरउर्जा प्रकल्प उभारण्यात आला आहे. या प्रकल्पात एक लाख सोलर पीव्ही मॉड्यूल असून त्या माध्यमातून उर्जानिर्मिती होईल.
- या प्रकल्पाच्या माध्यमातून तब्बल 7000 घरांना वीज उपलब्ध होईल. तसेच या परिसरातील कार्बन डायऑक्सईडचे उत्सर्जन 46000 टन इतक्या प्रमाणात घटेल, असा अंदाज आहे.