गौतमी पाटीलसोबत काम केल्यानंतर ओंकार राऊतची नवीन पोस्ट, कॅप्शनची होतेय प्रचंड चर्चा
गौतमी पाटील सध्या तिच्या डान्समुळे नेहमी चर्चेत असते. अशातच आता तिने लग्नात घेतलेल्या उखाण्यानंतर ती पुन्हा एका नवीन फोटोमुळे चर्चेत आली आहे.
Gautami Patil : महाराष्ट्राची हास्यजत्रामधून घराघरात पोहोचलेला अभिनेता ओंकार राऊत सध्या नव्या गाण्यामुळे चर्चेत आला आहे. यामागचं खास कारण म्हणजे प्रसिद्ध नृत्यांगना गौतमी पाटील हिच्यासोबत केलेलं त्याचं आकर्षक फोटोशूट आणि त्यांचं ताजं गाणं.
ओंकार आणि गौतमी यांचं गच्ची हे नवं गाणं अलीकडेच सारेगामा मराठीच्या यूट्यूब चॅनेलवर प्रदर्शित झालं आहे. रिलीज होताच या गाण्याने सोशल मीडियावर जोरदार चर्चा निर्माण केली आहे.
गाण्यातील दोघांची केमिस्ट्री, आकर्षक लोकेशन्स आणि हटके स्टाइल चाहत्यांना विशेष भावली आहे. गाण्याच्या निमित्ताने ओंकार आणि गौतमी यांनी एक खास फोटोशूटही केलं आहे.
हे फोटो ओंकारने आपल्या सोशल मीडियावर शेअर करत गौतमीचं कौतुक केलं. ज्यामध्ये तो म्हणाला की, 'तुझ्याबरोबर काम करून खरंच खूप मजा आली!!' अशा शब्दांत त्याने आपला अनुभव व्यक्त केला. चाहत्यांनीही या पोस्टवर लाईक्स आणि कमेंट्सचा वर्षाव केला आहे.
या गाण्याच्या प्रमोशनदरम्यान गौतमी पाटीलने घेतलेला उखाणा सध्या प्रचंड व्हायरल होत आहे. ती म्हणाली, 'ना वायफाय… ना इंटरनेट… गच्चीवर झाली आमची पहिली भेट… ओंकार रावांचं नाव घेते, आमची जोडी एकदम परफेक्ट…' गौतमीच्या या हटके अंदाजामुळे प्रेक्षकांमध्ये उत्सुकता आणखी वाढली आहे.
