कंदीलावरती जरतारीचा मोर नाचरा हवा, पैठणी कंदीलांचा नवा साज
कागद, लाकूड अशा पर्यावरणपूरक वस्तू वापरुन तयार करण्यात आलेल्या आकाशकंदीलांना पैठणी साड्यांची जोड 'हर्षाभि क्रिएशन'ने दिली आहे
- ‘राजश्री, ‘तेजोमय’, मयुर, नभोमणी, अरण्या, अनन्या, गुलकंद, नक्षत्र ही नावे कोणत्या दागिन्यांची नसून दिवाळी तेजोमय करणाऱ्या आकाश कंदीलांची आहेत.
- कंदीलांना अशी हटके नावे देण्याची भन्नाट कल्पना आहे ‘हर्षाभि क्रिएशन्स’ची. कंदीलांच्या नावानुसारच कंदीलांचे स्वरुप आहे.
- कागद, लाकूड अशा पर्यावरणपूरक वस्तू वापरुन कंदील बनवण्यात आले असून पैठणी साड्यांची जोड देत बनवलेले नाविन्यपूर्ण कंदील प्रत्येकाच्या पसंतीला उतरत आहेत.
- नवी मुंबईतील हर्षदा साटम आणि अभिषेक साटम या जोडप्याने तयार केलेल्या या कंदीलांना सध्या प्रचंड प्रतिसाद मिळत आहे.
- अभिनेत्री ऋतुजा बागवे
- गेल्या अनेक वर्षांपासून आम्ही पर्यावरणपूरक कंदील बनवत असून गेल्या वर्षी कंदीलांना जरीच्या साड्या, खण, लोकर यांची सजावट केली आणि ह्या वर्षी पैठणी साड्यांचे पहिल्यांदाच वेगळे कंदील बनवले असल्याचे अभिषेकने सांगितले
- अभिषेक आणि त्याची पत्नी हर्षदा यांनी त्यांच्या नावावरून ‘हर्षाभि क्रिएशन्स’ सुरू केले आहे.
- हे कंदील दीर्घकाळ टिकणारे आहेत. त्यामुळे प्रत्येक वर्षी नवे कंदील घेण्याची गरज नाही. या कंदीलांसाठी कागदी पिशवीही तयार केली आहे.
- मुंबई, विरार, बोरिवली, पुणे, लालबाग आदी भागातून या कंदीलांसाठी मागणी येत असल्याचे अभिषेकने सांगितले.