डासांचा सर्वात मोठा शत्रू म्हणजे ही 3 झाडं, घराजवळ लावली तर कधीच येणार नाहीत घरात डास
उन्हाळ्यात जर तुमच्या देखील घरात डास मोठ्या प्रमाणात वाढले असतील तर घराच्या खडकीजवळ किंवा घरापुढे ही 3 झाडे लावा. डास परत कधीच घरी येणार नाही.
उन्हाळ्यात उकाड्यासोबतच डासांचाही त्रास मोठ्या प्रमाणात वाढतो. डासांमुळे झोपमोड तर होतेच पण डेंग्यू आणि मलेरियासारख्या गंभीर आजारांचाही धोका वाढतो.
अनेकजण डासांपासून बचावासाठी महागडे उपाय करतात, मात्र त्याचा परिणाम काही वेळापुरताच दिसतो. अशावेळी घरात काही खास झाडं लावणं हा डासांवर प्रभावी उपाय ठरू शकतो.
तुळशीचा सुगंध डासांना अजिबात आवडत नाही. घराच्या दारात किंवा खिडकीजवळ तुळशीचं रोप ठेवल्यास डास घरात येण्याचं प्रमाण कमी होतं. यासोबतच तुळस घरात सकारात्मक वातावरणही निर्माण करते.
पुदिन्याचा तीव्र सुगंध डासांना दूर ठेवण्यास मदत करतो. घरात पुदिन्याचं रोप लावू शकता. तसेच पुदिन्याच्या पानांची पेस्ट करून ती खिडकीजवळ ठेवल्यासही डास दूर राहतात.
झेंडूच्या फुलांचा सुगंधही डासांना सहन होत नाही. त्यामुळे बाल्कनी, खिडकी किंवा घराच्या प्रवेशद्वाराजवळ झेंडूची रोपं लावल्यास डासांचा त्रास कमी होण्यास मदत होते.
