Prashant Koratkar आत, पोलीस स्टेशन बाहेर अशी स्थिती, हे PHOTO एकदा बघा, लोकांचा राग समजेल
Prashant Koratkar : छत्रपती शिवाजी महाराजांविषयी अवमानकारक वक्तव्य करणाऱ्या प्रशांत कोरटकरला कोल्हापूरमध्ये आणलं आहे. तो जुना राजवाडा पोलीस स्टेशनमध्ये असताना बाहेर मोठी गर्दी जमली होती. एकदा हे Photos बघा.
कोल्हापूर जुना राजवाडा बाहेरची ही दृश्य आहेत. मोठ्या संख्येने शिवप्रेमी जमलेले आहेत. प्रशांत कोरटकर सध्या या पोलीस स्टेशनमध्ये आहे.
कोल्हापुरात शिवप्रेमी आक्रमक झालेले आहेत. प्रशांत कोरटकरला आज दुपारी कोल्हापूर न्यायालयात हजर केलं जाणार आहे. प्रशांत कोरटकरवर छत्रपती शिवाजी महाराजांविषयी अवमानकारक वक्तव्य केल्याचा आरोप आहे.
हातात कोल्हापुरी चप्पल घेऊन जुना राजवाडा पोलीस ठाण्याबाहेर हे शिवप्रेमी जमलेले आहेत. प्रशांत कोरटकरला काल तेलंगणमधून अटक करण्यात आली. त्याला आज सकाळी कोल्हापुरला आणण्यात आलं.
'9 नंबरच पायथान आहे, बरोबर मला त्याच्या गालावर उठवायचं आहे. आम्ही शिवभक्त इतके संतापलेले आहोत. या हरामखोराने छत्रपतींचा अवमान केला आहे. तो आज राजरोसपण आव आणून दाखवतो की, मला काही फरक पडत नाही, म्हणून त्याला कोल्हापुरी हिसका दाखवण्यासाठी ही चप्पल आणलेली आहे" अशी प्रतिक्रिया एका शिवप्रेमीने दिली.
"सध्या त्याला व्हीआयपी ट्रीटमेंट चालू आहे. कुठल्याही आरोपीला अटक केल्यानंतर सरकारी रुग्णालयात नेलं जातं. पण या हरामखोराला, चिल्लर माणसाच्या तपासणीसाठी सरकारी डॉक्टर इथे आलेले आहेत. जावय आहे का हा?" अशा शिवप्रेमींच्या भावना आहेत.
