Rakhi Sawant | मला ड्रग्स दिले, न्यूड व्हिडीओ तयार केले गेले, राखी सावंत हिच्या पतीचा धक्कादायक खुलासा
राखी सावंत ही सध्या जोरदार चर्चेत आलीये. त्याचे कारणही तेवढेच मोठे आहे. नुकताच राखी सावंत हिचा पती आदिल दुर्रानी हा जेलच्या बाहेर आलाय. यावेळी त्याने काही धक्कादायक खुलासे केले आहेत. हे ऐकून सर्वांनाच मोठा धक्का बसल्याचे दिसत आहे. गंभीर आरोप हे राखी सावंत हिच्यावर लावण्यात आलेत.
राखी सावंत आणि आदिल दुर्रानी यांच्यामध्ये मोठा वाद होताना दिसत आहे. काही दिवसांपूर्वीच राखी सावंत हिने आदिल दुर्रानीवर गंभीर आरोप केले आणि तो जेलमध्ये गेला. आता राखीबद्दल मोठा खुलासा करताना आदिल दुर्रानी हा दिसला आहे.
आदिल दुर्रानी याने राखी सावंत हिच्यावर केलेल्या आरोपांनंतर आता सर्वांनाच मोठा धक्का बसला आहे. आदिल दुर्रानी याने थेट म्हटले की, राखी सावंत मला ड्रग्स देऊन माझे न्यूड व्हिडीओ तयार करत होती.
इतकेच नाही तर राखीने सर्वांना सांगितले होते की, आदिल हा माझ्यापेक्षा 7 वर्षांनी लहान आहे. मात्र, मी राखी सावंत हिच्यापेक्षा तब्बल 19 वर्षांनी लहान आहे. मी लग्नाच्या अगोदर राखी सावंत हिला ओळख देखील नव्हतो.
आमची ओळख जेंव्हा झाली तेंव्हा राखी माझ्यासमोर खूप चांगले राहत होती. मला तिच्याबद्दल काहीच माहिती नव्हते. राखी बिग बाॅस मराठीमध्ये गेल्यानंतर मला तिच्याबद्दल काही पुरावे मिळाले.
माझ्यासोबत आणि माझ्या कुटुंबियांसोबत राखी सावंत हिने खूप अन्याय केल्याचे म्हणताना देखील आदिल दुर्रानी हा दिसला. आता या आरोपांवर राखी सावंत काय उत्तर देते हे पाहण्यासारखे ठरणार आहे.
