Sanchita Ugale: त्या व्यक्तीमुळे संचिता उगलेने संपवले जीवन? सहाय्यक अभिनेत्याचा खळबळजनक खुलासा
Sanchita Ugale: अभिनेत्री संचिता उगलेने टोकाचे पाऊल उचलले. त्यानंतर आता तिच्या जवळच्या मित्राने खळबळजवननक खुलासा केला आहे. तो नेमकं काय म्हणाला जाणून घ्या...
छोट्या पडद्यावरील अतिशय लोकप्रिय अभिनेत्री संचिता उगलेने राहत्या घरात गळफास लावून आत्महत्या केली. तिने वयाच्या 30व्या वर्षी अखेरचा श्वास घेतला. संचिताच्या निधनानंतर चित्रपटसृष्टीमध्ये हळहळ व्यक्ती केली जात आहे. आता संचितासोबत काम केलेल्या अभिनेत्याने तिच्या आत्महत्येविषयी मोठा खुलासा केला आहे.
संचिताचा सहाय्यक अभिनेता उज्जवल शर्मासोबतच तिचे अफेअर असल्याचे बोलले जात होते. मात्र, अभिनेत्याने यावर प्रतिक्रिया देत या सर्व अफवा असल्याचे स्पष्ट केले आहे.
टेली चक्करशी बोलताना उज्जवल म्हणाली की आमच्या अफेअरच्या केवळ चर्चा सुरु होत्या. आम्ही रिलेशनशीपमध्ये नव्हतो. खरंतर संचिता कोणा तरी डेट करत होती आणि ती त्याच्यासोबतच राहत होती. माझे तिच्यासोबत बरेच दिवस बोलणे झाले नाही. कारण मी माझ्या मूळ गावी आलो आहे.
पुढे तो म्हणाला, संचिता तिच्या एक्स बॉयफ्रेंडमुळे खूप कठीण काळातून जात होती. तिने अनेकांची मदत घेतली होती. प्रोडक्शन हाऊसने तिची मानसिक स्थितीपाहून मदत केली होती. जे काही झाले ते अतिशय दु:खद आणि धक्कादायक आहे. मला कळाल्यानंतर मोठा धक्का बसला.
संचिता उगलेने रविवारी 14 जून रोजी संध्याकाळी राहत्या घरात गळफास घेऊन आत्महत्या केली. त्यानंतर तिला तातडीने रुग्णालयात दाखल करण्यात आले होते. पोलिसांनी तिला मृत घोषित केले. आता संचिताने इतक्या टोकाचं पाऊल का उचललं? याचा शोध पोलिस घेत आहेत.
