‘नवी नॅशनल क्रश’, गिरिजा ओकनंतर या अभिनेत्रीच्या साडी आणि सौंदर्याने लावलं सर्वांना वेड, फोटो…
गेल्या काही दिवसांपासून 'धुरंधर' चित्रपटाने बॉक्स ऑफिसवर धुमाकूळ घातला आहे. यामधील प्रचंड चर्चेत आलेल्या अभिनेत्रीच्या साडीमधील फोटोंनी चाहत्यांना वेड लावलं आहे.
‘धुरंधर’ चित्रपटाच्या शानदार यशानंतर अभिनेत्री सारा अर्जुन सतत चर्चेत राहात आहे. चित्रपटातील तिच्या अभिनयाचे कौतुक होत असतानाच, सध्या ती आपल्या ग्लॅमरस सोशल मीडिया पोस्टमुळे चाहत्यांचे लक्ष वेधून घेत आहे.
सारा अर्जुन सोशल मीडियावर प्रचंड सक्रिय असून ती नेहमीच आपल्या स्टायलिश आणि दिलकश फोटो शेअर करत चाहत्यांना थक्क करत असते. नुकतेच साराने साडीतील काही खास फोटो इंस्टाग्रामवर शेअर केले आहेत. जे सध्या सोशल मीडियावर मोठ्या प्रमाणात व्हायरल होत आहेत.
या फोटोंमध्ये सारा अतिशय सुंदर आणि एलिगंट दिसत असून तिचा हा पारंपरिक अवतार चाहत्यांना विशेष भावला आहे. साराने गोल्डन रंगाची व्हेलवेट साडी परिधान केली आहे. या साडीला तिने फुल स्लीव्ह्ज ब्लाउजची आकर्षक जोड दिली असून, तिचा हा लूक अत्यंत रॉयल आणि क्लासी दिसतो.
एक्सेसरीजच्या बाबतीत तिने हेवी इयररिंग्स कॅरी केले असून त्यामुळे तिच्या लूकला आणखी चार चांद लागले आहेत. साडी परिधान करून साराने वेगवेगळ्या अंदाजात कातिलाना पोज दिल्या आहेत. तर कधी हलक्या स्मितहास्याने तिने प्रत्येक फोटोमध्ये वेगळा ठसा उमटवला आहे.
तिचा प्रत्येक अंदाज चाहत्यांना घायाळ करत आहे. हे फोटो शेअर होताच सोशल मीडियावर अक्षरशः धुमाकूळ उडाला आहे. चाहत्यांनी या पोस्टवर लाईक्स आणि कमेंट्सचा वर्षाव केला आहे.
