सायली संजीवच्या फोटोवर ऋतुराज गायकवाड फिदा, सायलीनेही लाजत ‘दिल’ दिया
अभिनेत्री सायली संजीवने नुकतेच इन्स्टाग्रामवर काही फोटो शेअर केले आहेत. या फोटोवर ऋतुराजने 'Woahh?♥️' (वोआह) अशी कमेंट केली.
'चेन्नई सुपरकिंग्ज'चा (Chennai Superkings - CSK) युवा फलंदाज ऋतुराज गायकवाड (Ruturaj Gaikwad) आयपीएल 2021 (IPL 2021) मध्ये चांगलाच फॉर्ममध्ये होता. आयपीएलला स्थगिती मिळाली, तसा ऋतुराजलाही इन्स्टाग्राम अकाऊण्टवर अॅक्टिव्ह होण्यास वेळ मिळाला.
ऑन फील्ड भल्याभल्यांची विकेट घेणाऱ्या ऋतुराजची ऑफ फील्ड विकेट गेल्याचं दिसतंय. मराठमोळी अभिनेत्री सायली संजीव (Sayali Sanjeev) हिच्या फोटोवरील ऋतुराजची कमेंट चर्चेचा विषय ठरली आहे.
अभिनेत्री सायली संजीवने नुकतेच इन्स्टाग्रामवर काही फोटो शेअर केले आहेत. या फोटोवर ऋतुराजने 'Woahh?♥️' (वोआह) अशी कमेंट केली. या कमेंटला प्रतिसाद देत सायलीने हार्टचा ईमोजी शेअर केला होता.
ही कमेंट वाचून दोघांच्या चाहत्यांनी कमेंट्सचा पाऊस पाडला. कोणी म्हणालं, यांचं जमतंय बहुतेक, तर कोणी सायली रिलेशनशीपमध्ये आहे भाऊ, असं म्हणत ऋतुराजची विकेट घेण्याचा प्रयत्न केला.
सायलीने झी मराठीवरील 'काहे दिया परदेस' मालिकेतून अभिनय क्षेत्रात पदार्पण केले होते.
सध्या सायली कलर्स मराठीवर 'शुभमंगल ऑनलाईन' या मालिकेत काम करत आहे. आटपाडी नाईट्स सिनेमातील तिची भूमिकाही गाजली होती
ऋतुराज जितका मैदानावरील कामगिरीसाठी गाजतो, तितकाच तो आपल्या स्टाईल आणि लूक्ससाठीही प्रसिद्ध आहे.
याआधी ऋतुराजच्या फोटोवरही सायलीने कमेंट केली होती. त्यामुळे दोघांमध्ये आंखो ही आंखोमें बरंच काही होताना दिसतंय
