Shreyas Iyer : 32 महिन्यात जो डाग लागला नव्हता, तो श्रेयस अय्यर कॅप्टन बनल्यानंतर पाच महिन्यात लागला
Shreyas Iyer : श्रेयस अय्यरच्या नेतृत्वाखाली टीम इंडियाने न्यूझीलंड दौऱ्यात पाच टी20 सामन्यांची सीरीज 3-2 ने जिंकली. मालिकेतले पहिले तीन सामने सलग जिंकल्यानंतर उर्वरित दोन सामन्यात पराभवाचा सामना करावा लागला. न्यूझीलंडने हॅमिल्टनमधील पाचव्या सामन्यात भारताला सात विकेटने हरवलं.
श्रेयस अय्यर जून 2026 मध्ये कॅप्टन बनला. त्यानंतर भारतीय टीमने टी20 मध्ये थोडंफार बरं प्रदर्शन केलय. त्याला सूर्यकुमार यादवच्या जागी कॅप्टन बनवण्यात आलं. सूर्याच्या नेतृत्वाखाली टीम इंडियाने याचवर्षी टी20 वर्ल्ड कप जिंकला. पण त्याचा स्वत:चा फॉर्म खराब असल्याने त्याला कॅप्टनशिप गमवावी लागली. त्याशिवाय त्याला टीममधून वगळण्यात आलं.
टीम इंडियाला 32 महिन्यात जो डाग लागला नव्हता, तो श्रेयस अय्यर कॅप्टन बनल्यानंतर पाच महिन्यात लागला. भारतीय टीमने सप्टेंबर 2023 ते मे 2026 दरम्यान एकूण 68 टी20 सामने खेळले. त्यात फक्त 9 सामन्यात पराभव झाला.
अय्यर कॅप्टन बनल्यापासून टीम इंडियाने जून 2026 पासून आतापर्यंत 24 टी20 इंटरनॅशनल सामने खेळले आहेत. त्यात 10 मॅच मध्ये पराभव झाला. श्रेयसच्या नेतृत्वाखाली भारताने 14 सामने जिंकले. दोन अनिर्णीत राहिले.
31 वर्षीय श्रेयस अय्यर टी20 इंटरनॅशनलमध्ये एका वर्षात 10 सामने गमावणारा पहिला भारतीय कर्णधार आहे. एकावर्षात सर्वाधिक टी20 सामने गमावणाऱ्या भारतीय कर्णधार रोहित शर्मा दुसऱ्या स्थानावर आहे. रोहितच्या नेतृत्वाखाली भारताने 2022 मध्ये 29 टी20 सामने खेळले. त्यात आठ सामन्यात पराभव स्वीकारावा लागला.
न्यूझीलंड विरुद्ध टी20 सीरीज संपल्यानंतर श्रेयस अय्यर म्हणाला की, वेगवेगळ्या स्थितीत टीमच्या प्रदर्शनावर मी संतुष्ट आहे. पण गोलंदाजी आणि फिल्डिंगमध्ये सुधारणेची आवश्यकता आहे.
