फेस मास्क लावताना ‘या’ गोष्टी लक्षात ठेवा, नाहीतर फायदा होण्याऐवजी होईल चेहरा खराब!
कोणत्याही ऋतूत त्वचेची काळजी घेणं खूप गरजेचं असतं. अशावेळी मास्क तुमची त्वचा निरोगी ठेवण्यास मदत करतो. फेस मास्कचा पुरेपूर फायदा मिळवण्यासाठी आणि त्वचेला कोणत्याही प्रकारच्या दुष्परिणामांपासून वाचवण्यासाठी फेस मास्क वापरताना काही गोष्टी लक्षात ठेवणं खूप गरजेचं आहे.
चमकदार त्वचा मिळवण्यासाठी अनेकजण फेस मास्कचा वापर करतात. फेस मास्क घरी सुद्धा बनवता येऊ शकतात. जर तुम्हाला स्किन ग्लो करावी असं वाटत असेल तर तुम्ही फेस मास्क लावताना ही काळजी घ्यावी.
चेहऱ्यावर जर मेकअप लावलेला असेल तर त्यावर चुकूनही फेस मास्क लावू नका. आधीच मेकअप असणाऱ्या स्किनवर फेस मास्क लावला तर त्याचा काहीही उपयोग होत नाही. आधी मेकअप काढा मगच मास्क लावा.
कोणतंही स्किन प्रॉडक्ट लावताना तुम्ही तुमचा स्किन टाइप लक्षात घ्यायला हवा. तुमची त्वचा कोरडी आहे, तेलकट आहे की मिक्स आहे यावर तुम्ही कोणता फेस मास्क निवडायचा हे ठरवलं पाहिजे. फेस मास्क घेताना त्यावरील घटक वाचा काही घटक स्किनला हानिकारक असतात.
चेहरा मॉइश्चरायझ करणं खूप महत्त्वाचं आहे. मॉइश्चरायझ केल्याने चेहऱ्याला ओलावा मिळतो. मॉइश्चरायझ करायला विसरलं तर यामुळे आपली त्वचा कोरडी होऊ शकते. त्यामुळे मॉइश्चरायझ करा.
काही लोक फेस मास्क लावून ते विसरून जातात. त्वचेवर फेस मास्क जास्त वेळ लावून ठेवल्याने त्वचेची चिडचिड होते, ताण येतो, पुरळ येऊ शकतात. कधीही फेस मास्क चेहऱ्याला लावताना त्याच्या पार्कवर दिलेल्या सूचनांनुसार लावावा. खूप वेळ फेस मास्क खूप वेळ चेहऱ्यावर लावल्यावर त्वचा कोरडी पडते.
