सासूसोबत जावयाने काढला पळ… मग सासरच्या प्रॉपर्टीत जावयाला हक्क मिळेल का? काय सांगतो कायदा?
उत्तर प्रदेशातील अलीगडमध्ये सासूने होणाऱ्या जावायासोबत पळ काढल्याची माहिती समोर आली. ज्यामुळे सर्वत्र खळबळ माजली आहे. ज्या पुरुषासोबत लेकीचं लग्न होणार होतं, त्याच पुरुषासोबत महिलेने पळ काढला आहे. मग सासरच्या प्रॉपर्टीत जावयाला हक्क मिळेल का? यावर कायदा काय सांगतो जाणून घेऊ....
जावयाला सासरच्या मालमत्तेत काही कायदेशीर हक्क आहेत का? केरळ उच्च न्यायालयाच्या निर्णयानुसार आणि हिंदू कायद्यानुसार, जावयाचा त्याच्या सासरच्या मालमत्तेवर कोणताही अधिकार नाही.
अलीगडच्या बाबतीत, दोघेही हिंदू आहेत, तर हिंदू उत्तराधिकार कायदा कोणते अधिकार देतो ते जाणून घेऊया. देशात, मालमत्तेचे हक्क आणि वारसा हक्कांशी संबंधित नियम धर्मानुसार ठरवले जातात. यासाठी सर्व धर्मांचे वेगवेगळे कायदे आहेत.
हिंदू उत्तराधिकार कायदा (HSA) 1956 नुसार, वर्ग-1 उत्तराधिकारात, पत्नी, मुलगा, मुलगी, मृत मुलगा, मृत मुलाचा मुलगा, मृत मुलाची पत्नी, मृत मुलाचा मुलगा आणि मुलाच्या पत्नीची मुले उत्तराधिकारी होऊ शकतात.
अशाच एका खटल्याची सुनावणी करताना केरळ उच्च न्यायालयाने निर्णय दिला की, जावयाचा त्याच्या सासरच्या मालमत्तेवर कोणताही अधिकार नाही. जरी त्यांनी घर बांधण्यासाठी पैसे दिले असले तरी. न्यायालयाने दिलेल्या निर्णयानुसार, मुलीच्या पतीला सासरच्या घरात फक्त तोपर्यंतच हक्क आहे जोपर्यंत सासरे त्याला परवानगी देतात. या प्रकरणात न्यायालयाने स्पष्ट केले की, जावई लग्नानंतर कुटुंबाचा सदस्य झाला तरी सासऱ्यांच्या संपत्तीवर दावा करू शकत नाही.
येथे दिलेली माहिती केवळ न्यायालयाच्या निर्णयांवर आणि लेखांवर आधारित आहे. तुमच्या विशिष्ट केसबद्दल तुम्हाला कायदेशीर सल्ला हवा असल्यास, तुम्ही अनुभवी वकिलाशी संपर्क साधू शकता.
