Asia Cup 2023 PAK vs IND | टीम इंडिया की पाकिस्तान, बॉलिंग अटॅक कोणाचा भारी?
Pakistan vs India Asia Cup 2023 | पाकिस्तान विरुद्ध टीम इंडिया आशिया कप 2023 स्पर्धेत 2 सप्टेंबरला भिडणार आहेत. या दोन्ही संघांमध्ये धारदार बॉलिंग टाकणारे बॉलर्स आहेत.
टीम इंडिया रोहित शर्मा याच्या नेतृत्वात पाकिस्तान विरुद्ध आशिया कप 2023 मोहिमेची सुरुवात करणार आहे. पाकिस्तान विरुद्ध टीम इंडिया यांच्यातील महामुकाबला 2 सप्टेंबरला होणार आहे. दोन्ही संघात तोडीसतोड गोलंदाज आहेत, जे आपल्या बॉलिंगच्या जोरावर सामन्याला कलाटणी देण्याची क्षमता ठेवतात.
पाकिस्तानचा फास्टर बॉलर हारिस रऊफ याने या वर्षात 10 वनडे सामन्यांमध्ये 17 विकेट्स घेतल्या आहेत. त्यामुळे टीम इंडियाच्या फलंदाजांना जरा जपूण खेळावं लागणार आहे.
मोहम्मद सिराज याच्या बॉलिंगकजे सर्वांच्या नजरा असणार आहेत. सिराज विंडिज विरुद्धच्या दुसऱ्या कसोटीत 5 विकेट्स घेतल्या होत्या. सिराजच्या बॉलिंगची धार पाकिस्तान विरुद्ध दिसते की नाही, याकडे क्रिकेट चाहत्यांचं लक्ष असेल.
मोहम्मद शमी याने आतापर्यंत 90 वनडेंमध्ये 162 विकेट्स घेतल्या आहेत. शमी टीम इंडियाचा अनुभवी गोलंदाज आहे. त्यामुळे शमीवर टीमला झटपट विकेट मिळवून देण्याची जबाबदारी असणार आहे.
पाकिस्तानच्या नसीम शाह याने 2023 मध्ये 8 सामने खेळले आहेत. नसीमने या 8 सामन्यात दुप्पट म्हणजे 16 विकेट्स घेतल्या आहेत. त्यामुळे लढाई ही बरोबरीच असणार आहे.
शाहीन शाह अफ्रिदी हा पाकिस्तानचा मुख्य गोलंदाज आहे. शाहिनने आतापर्यंत 2023 वर्षात 8 सामन्यात 16 विकेट्स घेतल्या आहेत. पाकिस्तान आशिया कपआधी अफगाणिस्तान विरुद्ध वनडे सीरिज खेळली. शाहिनने या मालिकेत 6 विकेट्स घेतल्या होत्या.
जसप्रीत बुमराह दुखापतीनंतर जवळपास वर्षभरानंतर टीममध्ये परतला. बुमराहने आयर्लंड विरुद्धच्या टी 20 सीरिजमधून कमबॅक केलं. बुमराहने 2 सामन्यांमध्ये 4 विकेट्स घेतल्या. आता बुमराह पाकिस्तान विरुद्ध कसा खेळतो, याकडे साऱ्या भारतीय चाहत्यांची करडी नजर असणार आहे.
