Asia Cup 2023 | India vs Pakistan सामन्यात हे 6 बॉलर निभावणार निर्णायक भूमिका
Pakistan vs India Asia Cup 2023 | आशिया कप 2023 मधील तिसरा सामना हा हायव्होल्टेज असणार आहे. या सामन्यात दोन्ही संघाचे 6 गोलंदाज सामन्याचा निकाल बदलू शकतात.
आशिया कप 2023 स्पर्धेत 2 सप्टेंबरला पाकिस्तान विरुद्ध टीम इंडिया आमनेसामने असणार आहेत. या महामुकाबल्यावर क्रिकेट विश्वाचं लक्ष लागून आहे.
पाकिस्तान आणि टीम इंडिया दोन्ही संघात एकसेएक गोलंदाज आहेत. या गोलंदाजांमध्ये सामना पालटण्याची ताकद आहे.
या सामन्याआधी टीम इंडिया आणि पाकिस्तान दोन्ही संघातील त्या 6 गोलंदाजांबाबत जाणून घेणार आहोत, जे फलंदाजांसाठी डोकेदुखी ठरु शकतात.
पाकिस्तानचा शाहीन अफ्रिदी तुफान फॉर्ममध्ये आहे. शाहीनने गेल्या 5 वनडे मॅचमध्ये 11 विकेट्स घेतल्या आहेत.
पाकिस्तानचा नसीम शाह युवा गोलंदाज टीम इंडियासाठी धोकादायक ठरु शकतो. नसीमने आतापर्यंत 11 वनडेत 26 विकेट्स घेतल्या आहेत.
हारिस रऊफ याने 25 वनडे सामन्यांमध्ये 46 जणांना मैदानाबाहेरचा रस्ता दाखवला आहे. हारीस रौफ निर्णायक भूमिका बजावू शकतो.
टीम इंडियाचा हुकमाचा एक्का यॉर्कर किंग जसप्रीत बुमराह याने आयर्लंड विरुद्धच्या सामन्यातून कमबॅक केलंय. बुमराह आपल्या भेदक यॉर्करच्या जोरावर पाकिस्तानसाठी डोकेदुखी ठरु शकतो. बुमराहने पाकिस्तान विरुद्धच्या 5 सामन्यात 4 विकेट्स घेतल्या आहेत.
मोहम्मद सिराज याला संधी मिळाल्यास पाकिस्तान विरुद्ध खेळण्याची त्याची पहिलीच वेळ ठरेल. मोहम्मद सिराजने 2023 वर्षात बॉलिंगने छाप पाडली आहे.
मोहम्मद शमी याला 90 वनडे सामन्यांचा अनुभव आहे. शमीने 90 सामन्यांमध्ये 162 विकेट्स घेतल्या आहेत.
तसेच मोहम्मद शमी याने पाकिस्तान विरुद्ध खेळलेल्या 3 वनडेंमध्ये 5 विकेट्स घेतल्या आहेत. अशात टीम इंडियाच्या या तिकडीवर सर्वांच लक्ष असेल.
