IPL : आयपीएलचे महाकाय पाच रेकॉर्ड तोडणं म्हणजे कठीणच, जाणून घ्या कोणच्या नावावर कोणता विक्रम
इंडियन प्रीमियर लीगचे 15 पर्व पार पडले असून 16 व्या पर्वाची जोरदार तयारी सुरु आहे. आतापर्यंत स्पर्धेत केलेले काही विक्रम तोडणं म्हणजे कठीणच आहे. जवळपास अशक्य आहे असं म्हंटलं तरी हरकत नाही. चला जाणून घेऊयात..
आयपीएल 2023 सुरु होण्यासाठी अवघ्या काही दिवसांचा अवधी शिल्लक आहे. 16 व्या सिझनची बीसीसीआयने घोषणा देखील केली आहे. पण आतापर्यंतच्या पर्वात काही विक्रम मोडीत न निघण्यासारखेच आहेत. (IPL)
आयपीएल 2016 स्पर्धेत विराट कोहली आणि एबी डिव्हिलियर्स जोडीने गुजरात लायन्स विरोधात दुसऱ्या गड्यासाठी 229 धावांची भागीदारी केली होती. यात विराट कोहलीने 109 आणि डिव्हिलियर्सने 129 धावा केल्या होत्या. (PTI)
ख्रिस गेलच्या नावावर आयपीएलमध्ये बऱ्याच विक्रमांची नोंद आहे. पण 2013 मध्ये त्याने आरसीबीकडून खेळताना पुणे वॉरियर्सविरोधात नाबाद 175 धावांची खेळी केली होती. 66 चेंडूत 17 षटकारांच्या मदतीने 175 धावा केल्या होत्या. (PTI)
विराट कोहली आयपीएलच्या एका सिझनमध्ये सर्वाधिक धावा करणारा खेळाडू आहे. 2016 मध्ये 16 सामने खेळत त्याने 973 धावा केल्या होत्या. आतापर्यंत एकही खेळाडू 900 च्या वर धावा करू शकलेला नाही. या पर्वात त्याने चार शतकं आणि सात अर्धशतकं ठोकली होती. (PTI)
आयपीएल सलग सर्वाधिक सामने जिंकण्याचा विक्रम गौतम गंभीरच्या नेतृत्वाखालील कोलकाता नाइट रायडर्सच्या नावावर आहे. 2014 मध्ये कोलकाता नाइट रायडर्सने 10 सामने जिंकत विक्रम प्रस्थापित केला होता. (PTI)
ख्रिस गेल आणि रविंद्र जडेजा या दोघांनी एकाच षटकात 37 धावा केल्या आहेत. गेलने आरसीबीकडून खेळताना कोच्चि टस्कर्सविरोधात एका षटकात 37 धावा केल्या होत्या. प्रशांत परमेश्वरनला 4 षटकार आणि 3 चौकार मारले होते. यात एका नो बॉलचा समावेश होता. जडेजाने असाच विक्रम आरसीबीच्या हर्षल पटेलला मारत केला होता. त्याने पाच षटकार आमि एक चौकार मारला होता. त्यात एक नो बॉल होता. (BCCI)