17 वर्षानंतर ट्रेंट बोल्टच्या क्रिकेट कारकिर्दीत पहिल्यांदाच असं घडलं, 316 सामन्यानंतर इच्छा पूर्ण
युरोपमध्ये सुरू झालेल्या ईटीपीएल लीग स्पर्धेचं पहिलं पर्व सुरू आहे. नव्या लीग स्पर्धेच्या पहिल्याच पर्वात ट्रेंट बोल्टने कमाल केली. न्यूझीलंडच्या वेगवान गोलंदाजाला पहिल्यांदाच त्याच्या कामगिरीचं फळ मिळालं.
न्यूझीलंडचा माजी वेगवान गोलंदाज ट्रेंट बोल्टने आपल्या भेदक गोलंदाजीच्या जोरावर भल्याभल्या फलंदाजांना तारे दाखवले आहे. पण टी20 क्रिकेट कारकिर्दीत एका सामन्यात 5 विकेट घेण्याचं स्वप्न पूर्ण करण्यासाठी 17 वर्षांचा कालावधी लागला. (Photo: PTI)
न्यूझीलंडचा माजी वेगवान गोलंदाज ट्रेंट बोल्टने 17 वर्षांच्या क्रिकेट कारकिर्दीत पहिल्यांदाच एका डावात 5 विकेट काढले. विशेष म्हणजे यूरोपियन टी20 प्रीमियर लीग स्पर्धेचं हे पहिलंच पर्व आहे. (Photo: Getty Images)
एडिनबर्ग कासल रॉकर्सकडून खेळताना ट्रेंट बोल्टने ग्लासगो कॉस्मिक संघाची दाणादाण उडवून दिली. त्याने चार षटकात 24 धावा देऊन 5 विकेट काढल्या. त्याच्या या कामगिरीमुळे संघाचा विजय झाला आणि सामनावीराचा पुरस्कारही मिळाला. (Photo: ETPL)
ट्रेंट बोल्टने 2007 साली पहिला टी20 सामना खेळला होता. त्यानंतर 17 वर्षात आंतरराष्ट्रीय कारकीर्द ते आयपीएल, बीबीएल, एसए20 अशा मोठ्या लीगमध्ये खेळला. एकूण 316 टी20 सामने खेळले आणि 361 विकेट घेतल्या. पहिल्यांदाच पाच विकेट घेण्याचा मान मिळाला. (Photo: Getty Images)
ट्रेंट बोल्टच्या क्रिकेट कारकिर्दीचा अभ्यास केला तर पहिल्या दोन षटकात 2 ते 3 विकेट घेतो. त्याने वनडेत सहावेळा आणि कसोटीत 10 वेळा पाच विकेट घेण्याचा कारनामा केला आहे. (Photo: Getty Images)
