रोहित ते विराटपर्यंत, टीम इंडियाच्या खेळाडूंचा नव्या जर्सीतील लूक, फोटो व्हायरल
Team India Players In New Jersey : टी 20 वर्ल्ड कपसाठी टीम इंडियाच्या नव्या जर्सीचं अनावरण करण्यात आलं. टीम इंडियाच्या निवडक खेळाडूंचे नव्या जर्सीतील फोटो सोशल मीडियावर व्हायरल झाले आहेत.
टी 20 वर्ल्ड कप 2024 स्पर्धेला अवघे काही दिवस बाकी आहेत. वर्ल्ड कपसाठी मुख्य संघांनी पथकाची घोषणा केली आहे. बीसीसीआयने आगामी स्पर्धेसाठी टीम इंडियाची नव्या जर्सीचं अनावरण केलं आहे.
टीम इंडियाच्या नव्या जर्सीचं अनावरण हे 6 मे रोजी करण्यात आलं. त्यानंतर टीम इंडियाच्या खेळाडूंचे नव्या जर्सीतील फोटो व्हायरल झाले आहेत.
विराट कोहली, हार्दिक पंड्या याच्यासह टीम इंडियाच्या खेळाडूंचे नव्या जर्सीतील फोटो व्हायरल झालेत. नव्या जर्सीतील लूक नेटकऱ्यांना आवडलेला आहे.
बीसीसीआय निवड समितीने 30 एप्रिल रोजी भारतीय संघांची घोषणा केली. मुख्य संघात 15 तर राखीव म्हणून 4 खेळाडूंना संधी देण्यात आली आहे. रोहित शर्मा टीम इंडियाचं नेतृत्व करणार आहे.
टी 20 वर्ल्ड कप स्पर्धेला 1 जूनपासून सुरुवात होणार आहे. तर टीम इंडिया वर्ल्ड कप मोहिमेची सुरुवात 5 जून रोजी आयर्लंड विरुद्ध करणार आहे.
टीम इंडियाच्या 9 जून रोजी होणाऱ्या सामन्याची साऱ्या क्रिकेट विश्वाला प्रतिक्षा असणार आहे. हा सामना टीम इंडिया विरुद्ध पाकिस्तान यांच्यात होणार आहे. त्यामुळे हा सामना नक्कीच हायव्होल्टेज होईल, याबाबत कोणतीच शंका नाही.
