टीम इंडियाच्या प्रशिक्षकाचा पाचव्या टी20 सामन्यापूर्वीच प्रवास संपला, रोहित शर्मामुळे वाढवला होता कार्यकाळ
भारतीय संघ इंग्लंड दौऱ्यावर पाच सामन्यांची टी20 मालिका पाचव्या सामन्यापूर्वीच टीम इंडियाने गमावली आहे. त्यामुळे बीसीसीआय खेळाडू आणि कोचिंग स्टाफवर नाराज असून कामगिरीचा आढावा घेण्याचं जाहीर केलं आहे. त्यामुळे या मालिकेनंतर वेगाने घडामोडी घडण्याची शक्यता आहे. पण त्याआधीच एका प्रशिक्षकाचा प्रवास संपला आहे.
इंग्लंड दौऱ्यावर टीम इंडियाची कामगिरी निराशाजनक राहिली. इंग्लंडविरुद्धच्या टी20 मालिकेत भारताला 3-0 ने पराभव सहन करावा लागला आहे. त्यामुळे बीसीसीआयने खेळाडू आणि कोचिंग स्टाफच्या कामगिरीचा आढावा घेण्याची घोषणा केली आहे. पण त्या आधीच एका प्रशिक्षकाचा कार्यकाळ संपत आहे. (Photo: PTI)
रिपोर्टनुसार, भारतीय संघाचे क्षेत्ररक्षण प्रशिक्षक टी दिलीप या दौऱ्यानंतर भारतीय संघाची साथ सोडणार आहेत. त्यांचा कार्यकाळ संपत आला आहे. आयपीएल स्पर्धेत एखाद्या संघाच्या प्रशिक्षक स्टाफमध्ये सहभागी होण्याची शक्यता आहे. (Photo: Getty Images)
2021 मध्ये राहुल द्रविडने टीम इंडियाच्या मुख्य प्रशिक्षकपदाची धुरा सांभाळल्यानंतर टी दिलीप सपोर्ट स्टाफमध्ये सहभागी झाले होते. तेव्हापासून क्षेत्ररक्षण प्रशिक्षक आहेत. त्यांनी 2023 वनडे वर्ल्डकप स्पर्धेपासून फिल्डिंग मेडल देण्याची सुरूवात केली. (Photo: Getty Images)
2024-25 या वर्षातील ऑस्ट्रेलिया दौऱ्यात टीम इंडियाची कामगिरी सुमार राहिली होती. त्यानंतर त्यांना दूर सारलं होतं. पण 2025 मध्ये इंग्लंड दौऱ्यापूर्वी रोहित शर्माच्या सिफारशीनंतर बीसीसीआयने 1 वर्षाचा करारा पुन्हा केला होता. (Photo: Getty Images)
टी दिलीप राहणार की जाणार यााबबत अधिकृत घोषणा झालेली नाही. पण टी दिलीप यांचा एका वर्षाच करार संपला आहे. त्याच्या जागी सहाय्यक प्रशिक्षक रायन टेनडेश्काटे क्षेत्ररक्षण प्रशिक्षकाची भूमिका बजावू शकतात. (Photo: PTI)
