T20 Cricket : टी 20 फॉर्मेटमधील सर्वोत्तम फलंदाज कोण? बेयरस्टोने कुणाचं नाव घेतलं?
IPL 2024 : सध्या आयपीएलच्या 17 व्या मोसमात अनेक फलंदाज उल्लेखनीय आणि चमकदार कामगिरीने क्रिकेट विश्वाचं लक्ष वेधून घेत आहेत. मात्र टी 20 क्रिकेटमध्ये सर्वोत्तम फलंदाज कोण आहेत? जॉनी बेयरस्टोने त्याला सर्वोत्तम वाटत असलेल्या 3 खेळाडूंची नावं सांगितली आहेत. यामध्ये टीम इंडियाच्या एका फलंदाजाचा समावेश आहे.
सूर्यकुमार यादव, जोस बटलर आणि हेन्रिक क्लासेन या तिघांनी आतापर्यंत आयपीएलच्या 17 व्या मोसमात उल्लेखनीय कामगिरी केली आहे. पंजाब किंग्सचा फलंदाज जॉनी बेयरस्टो याने या तिघांचं कौतुक केलंय. हे तिघेही टी 20 मधील सर्वोत्तम फलंदाज असल्याचं जॉनीने म्हटलं.
सूर्या, बटलर आणि क्लासेन हे तिघेही टी 20 क्रिकेट विश्वातले सर्वोत्तम फलंदाज असल्याचं जॉनीने म्हटलं. सूर्याने या हंगामातील आतापर्यंत 4 सामन्यात 2 अर्धशतकांसह 130 धावा केल्या आहेत. सूर्या 2 वेळा झिरोवर आऊट झाला.
राजस्थान रॉयल्सचा फलंदाज जोस बटलर याने 2 शतकं ठोकली आहेत. बटलरचा सर्वोत्तम स्कोअर हा 107 आहे.
बटलरने आयपीएलच्या 17 व्या मोसमातील 6 सामन्यात राजस्थ नकडून खेळताना 250 धावा केल्या आहेत. बटलरने कोलकाता नाईट रायडर्स विरुद्धच्या सामन्यात राजस्थानला एकहाती विजय मिळवून दिला होता.
हैदबादाचा फलंदाज हेन्रिक क्लासेन यानेही आतापर्यंत तोडफोड बॅटिंग केली आहे. क्लासेनने या हंगामातील 6 सामन्यात 3 अर्धशतकांसह 253 धावा केल्या आहेत.
