मास्टर-ब्लास्टरला टाकलं मागे! जो रूटने मोडला सचिनचा ऐतिहासिक विक्रम
Joe Root New World Record: एजबेस्टन कसोटी सामन्यात इंग्लंडचा कर्णधार जो रूटने मॅच विनिंग खेळी केली. या खेळीमुळे इंग्लंडने पाकिस्तानला 8 गडी राखून पराभूत केलं. यासह एक विक्रमही रचला आहे.
जो रूटने कसोटी क्रिकेटमध्ये आपले 69वे अर्धशतक झळकावून सचिन तेंडुलकरचा (68 अर्धशतके) अनेक दशकांचा ऐतिहासिक जागतिक विक्रम मोडीत काढला आहे. यासह तो कसोटी क्रिकेटच्या 149 वर्षांच्या इतिहासात सर्वाधिक अर्धशतके ठोकणारा जगातील नंबर 1 फलंदाज बनला आहे. (PHOTO CREDIT- PTI)
मास्टर-ब्लास्टर सचिन तेंडुलकरने आपल्या २०० कसोटी सामन्यांच्या कारकिर्दीत 68 अर्धशतके केली होती, तर जो रूटने आपल्या 69 व्या कसोटी अर्धशतकासह या यादीत अव्वल स्थान गाठले आहे. (PHOTO CREDIT- PTI)
पाकिस्तानविरुद्धच्या सामन्यात 69 चेंडूत नाबाद 62 धावांची मॅच-विनिंग खेळी खेळणारा जो रूट बर्मिंगहॅमच्या ऐतिहासिक एजबॅस्टन मैदानावर 1000 पेक्षा जास्त कसोटी धावा करणारा कसोटी इतिहासातील पहिला फलंदाज ठरला आहे. (PHOTO CREDIT- PTI)
चार वेगवेगळ्या मैदानांवर प्रत्येकी 1000 हून अधिक कसोटी धावा करण्याचा पराक्रम जो रूटने केला आहे. जागतिक क्रिकेटमध्ये अशी कामगिरी करणारा तो केवळ तिसरा खेळाडू ठरला असून, याआधी हा मैलाचा दगड फक्त ऑस्ट्रेलियाचा रिकी पाँटिंग आणि दक्षिण आफ्रिकेचा जॅक कॅलिस यांनीच गाठला होता. (PHOTO CREDIT- PTI)
जो रूटच्या या नाबाद 62 धावांच्या अर्धशतकी खेळीमुळे इंग्लंडने तिसऱ्या कसोटी सामन्यात पाकिस्तानचा 8 गडी राखून पराभव केला आणि मालिका 3-0 अशी एकतर्फी खिशात घातली. (PHOTO CREDIT- PTI)
