SRH vs KKR: आयपीएल स्पर्धेत धोनीला नाही जमलं ते मनीष पांडेने केलं, दोन दिग्गजांसोबत बसला पंगतीत
आयपीएल 2026 स्पर्धेत सनरायझर्स हैदराबाद आणि कोलकाता नाईट रायडर्स हे संघ आमनेसामने आले आहेत. या सामन्यात कोलकात्याने प्लेइंग 11 मध्ये बदल केला आणि मनीष पांडेला संधी दिली. संधी मिळताच मनीष पांडेच्या नावावर मोठा विक्रम नोंदवला गेला आहे.
आयपीएल स्पर्धेचं यंदा 19वं पर्व आहे. 2008पासून या स्पर्धेला सुरूवात झाली होती. या स्पर्धेत आतापर्यंत अनेक विक्रम रचले आणि मोडले गेले. तर काही खेळाडू या स्पर्धेच्या पहिल्या पर्वापासून स्पर्धेचा भाग आहेत. विराट कोहली, एम.एस. धोनी आणि रोहित शर्मा ही नावं या यादीत आहेत. मनीष पांडे देखील पहिल्या पर्वापासून खेळत आहे. (Photo: PTI)
मनीष पांडेने या पर्वात एक मोठा पल्ला गाठत एक विक्रम नोंदवला आहे. आतापर्यंत केवळ विराट कोहली आणि रोहित शर्मा यांनाच ही कामगिरी करता आली होती. आता मनीष पांडेचं नावंही या यादीत आहे. त्याने महेंद्रसिंह धोनीलाही या कामगिरीत मागे टाकलं आहे. (Photo: Manish Pandey Instagram)
आयपीएल 2026 स्पर्धेत सनरायझर्स हैदराबाद आणि कोलकाता नाईट रायडर्स यांच्यात सामना होत आहे. या सामन्यासाठी कोलकाता नाईट रायडर्सने आपल्या प्लेइंग इलेव्हनमध्ये काही बदल करत अनुभवी फलंदाज मनीष पांडेला संघात स्थान दिले. या हंगामातील मनीषचा हा पहिलाच सामना आहे. (Photo: Manish Pandey Instagram)
36 वर्षीय मनीष पांडेला संधी मिळताच त्याने हा विक्रम रचला आहे. आयपीएलच्या 19 हंगामांमध्ये किमान एक सामना खेळणारा तिसरा खेळाडू ठरला. यापूर्वीच्या सर्व 18 हंगामांमध्ये वेगवेगळ्या संघांकडून एक किंवा अधिक सामने खेळला होता. या हंगामात आठ सामन्यानंतर त्याला खेळण्याची संधी मिळाली आहे. (Photo: Manish Pandey Instagram)
मनीष पांडेने रोहित शर्मा आणि विराट कोहली यांची बरोबरी केली. या दोन्ही दिग्गज खेळाडूंनी प्रत्येक आयपीएल हंगामात किमान एक सामना खेळला आहे. मनीष पांडेने या बाबतीत धोनीला मागे टाकले आहे. कारण या पर्वात धोनी दुखापतीमुळे एकही सामना खेळलेला नाही. त्यामुळे मनीष पांडे त्याच्या पुढे निघून गेला आहे. (Photo: Manish Pandey Instagram)
