66 दिवसांपूर्वी क्रिकेटपटूच्या मृत्यूची अफवा, आता थेट संघाचं कर्णधारपद मिळालं
अफगाणिस्तान संघात बदलाचे वारे वाहू लागले आहे. अफगाणिस्तान क्रिकेट बोर्डाने वनडे आणि टी20 संघाच्या नव्या कर्णधाराची घोषणा केली आहे. यात रहमत शाह याच्याकडे भूमिका सोपवली आहे.
अफगाणिस्तान संघाने नव्या वनडे आणि कसोटी संघाच्या कर्णधाराची घोषणा केली आहे. रहमत शाह याच्याकडे कर्णधारपदाची धुरा सोपवली आहे. त्याने हशमतुल्लाह शाहिदी याची जागा घेतली आहे. रहमत शाह याची कर्णधारपदाची कारकिर्द आयर्लंडविरुद्धच्या पाच सामन्यांच्या वनडे मालिकेपासून होईल. (PC-GETTY IMAGES)
रहमत शाहने अफगाणिस्तानसाठी 12 कसोटी आणि 128 वनडे सामने खेळले आहेत. इतकंच काय तर आंतरराष्ट्रीय क्रिकेटमध्ये 8 शतकं ठोकली आहेत. रहमत शाह 13 वर्षांपासून आंतरराष्ट्रीय क्रिकेट खेळत आहे. त्याने 2013 मध्ये वनडेत पदार्पण केलं होतं. (PC-GETTY IMAGES)
रहमत शाहबाबत एक अफवा काही दिवसांपूर्वी उडाली होती. 66 दिवसांपूर्वी रहमत शाहच्या आईचं निधन झालं होतं. त्यानंतर मीडियावर त्याच्या मृत्यूची अफवा उडाली. पण त्यानंतर त्याने स्पष्टीकरण दिलं आणि प्रकरण संपलं. (PC-GETTY IMAGES)
रहमत शाहच्या चाहत्यांसाठी ही आनंदाची बातमी ठरली आहे. कारण या खेळाडूने कायम कठीण काळात अफगाणिस्तानसाठी चांगली कामगिरी केली आहे. वनडेत त्याची कामगिरी उल्लेखनीय आहे. त्याने 35.22 च्या सरासरीने 4121 धावा केल्या आहेत. (PC-GETTY IMAGES)
रहमत शाहकडे आणखी जबाबदारी असणार आहे. टी20 संघाचं उपकर्णधारपद त्याच्याकडे आहे. तर कर्णधारपद इब्राहिम झद्रान याच्याकडे असेल. राशिद खानकडून ही जबाबदारी त्याच्याकडे आली आहे. (PC-GETTY IMAGES)
