IND vs AUS | शुबमन गिल-रोहित शर्मा जोडीचा वर्ल्ड कप फायनलमध्ये ऐतिहासिक कारनामा
Rohit Sharma Shubman Gill | रोहित शर्मा आणि शुबमन गिल या सलामी जोडीने ऑस्ट्रेलिया विरुद्ध आयसीसी वनडे वर्ल्ड कप फायनलमध्ये 30 धावांची सलामी भागीदारी केली. यासह या जोडीने मोठा कीर्तीमान केला आहे.
रोहित शर्मा-शुबमन गिल या जोडीने वर्ल्ड कप फायलनमध्ये इतिहास रचला आहे. रोहित -शुबमन ही जोडी वनडे क्रिकेटमध्ये एका कॅलेंडर वर्षात सर्वाधिक धावांची भागीदारी करणारी दुसरी जोडी ठरली आहे.
रोहित आणि शुबमनने 2023 या वर्षात अनेक सामन्यांमध्ये मिळून एकूण 1 हजार 523 धावांची भागीदारी केली आहे. रोहित आणि शुबमनने याबाबतीत ऑस्ट्रेलियाच्या एडम गिलख्रिस्ट आणि मार्क वॉ या जोडीला मागे टाकलं आहे.
एडम गिलख्रिस्ट आणि मार्क वॉ या जोडीने 24 वर्षांपूर्वी मोठा कारनामा केला होता. या जोडीने 1999 मध्ये एकूण 1 हजार 518 धावांची भागीदारी केली होती.
तसेच टीम इंडियाच्या सचिन तेंडुलकर आणि सौरव गांगुली यो जोडीने दोनदा प्रत्येकी एका वर्षात जास्त धावांची भागीदारी करण्याचा विक्रम केला. सचिन आणि गांगुलीने 1998 मध्ये 1 हजार 635 धावा केल्या.
तसेच त्यानंतर 2 वर्षांनी सचिन-गांगुली जोडीने पुन्हा असा धमाका केला. सचिन आणि गांगुलीने 2000 या वर्षात एकूण 1 हजार 438 धावांची भागीदारी केली.
