Rohit Sharma : रोहित शर्मा आशिया कप स्पर्धेतील सिक्सर किंग, किती षटकार मारले ते जाणून घ्या
Asia Cup 2023 : आशिया कप स्पर्धेत रोहित शर्मा याच्या शिरपेचात आणखी एक मानाचा तुरा खोवला गेला आहे. पाकिस्तान विरुद्ध 4 षटकार मारताच विक्रमाची नोंद केली आहे. नेमकं काय केलं ते जाणून घ्या..
आशिया कप स्पर्धेतील सुपर 4 फेरीत पाकिस्तान विरुद्धच्या सामन्यात रोहित शर्मा याने अर्धशतकी खेळी केली. 49 चेंडूत 4 उत्तुंग षटकार आणि 6 चौकारांसह 56 धावा केल्या.
रोहित शर्मा याने या सामन्यात 4 षटकार ठोकताच आशिया चषक वनडे स्पर्धेत सर्वाधिक षटकार मारणारा भारतीय फलंदाज ठरला आहे.
आशिया कप वनडे स्पर्धेत सर्वाधिक षटकार मारणाऱ्या शाहिद आफ्रिदीच्या विक्रमाची बरोबरी केली आहे. आफ्रिदीने 21 वनडे सामन्यात एकूण 26 षटकार मारले आहेत.
रोहित शर्मा याने 24 वनडे सामन्यात 26 षटकार ठोकले आहेत. यासह रोहित शर्माने आफ्रिदीने आशिया कप स्पर्धेत सर्वाधिक षटकार मारण्याच्या विक्रमाची बरोबरी केली आहे.
पाकिस्तान विरुद्ध अर्धशतकी खेळून आणखी एका विक्रमाची नोंद केली आहे. आशिया कप स्पर्धेत एका संघाविरुद्ध सर्वाधिक अर्धशतकांचा विक्रमही केला आहे.
रोहित शर्मा याच्यापूर्वी हा विक्रम मास्टर ब्लास्टर सचिन तेंडुलकर याच्या नावावर होता. सचिनने श्रीलंकेविरुद्ध पाच अर्धशतकं झळकावली आहेत. रोहित शर्मा याने पाकिस्तान विरुद्ध सहा अर्धशतकं झळकावून विक्रम केला आहे.
