Spider-Man : आयपीएलमध्ये व्यस्त असलेला शुभमन गिल दिसणार रुपेरी पडद्यावर, स्पाडरमॅन चित्रपटात बजावली ही भूमिका
Spider-Man Trailer coming soon : शुभमन गिलच्या स्पायडरमॅन अवताराचा ट्रेलरही लवकरच प्रेक्षकांच्या भेटीला येणार आहे. आता एक छोटा टीझर समोर आला असून त्यात तो अ‍ॅक्शन करताना दिसत आहे.
शुभमन गिल सध्या आयपीएल 2023 स्पर्धेत व्यस्त आहे. पण, या व्यस्ततेतही तो स्पायडरमॅनची भूमिका बजावत आहे. गिल लवकरच इंडियन स्पायडर मॅनच्या भूमिकेत दिसणार आहे. यासाठीची सर्व तयारी करण्यात आली आहे.
शुभमन गिलच्या स्पायडरमॅन अवताराचा ट्रेलर लवकरच प्रेक्षकांच्या भेटीला येणार आहे. सध्या एक छोटासा टीझर समोर आला असून तो हलक्याफुलक्या अ‍ॅक्शनमध्ये दिसत आहे. स्पायडरमॅनच्या भूमिकेत त्याला पाहण्यासाठी तयार व्हावे, असा संदेश त्यांने दिला आहे.
भारतीय स्पायडर मॅन पवित्र प्रभाकरचा आवाज शुभमन गिल असणार आहे. शुभमन गिलने त्याच्या इंस्टाग्राम अकाउंटवर एक्रोस द स्पायडर-व्हर्समध्ये इंडियन स्पायडर-मॅन चित्रपटासाठी डबिंग करण्याचा अनुभव शेअर केला आहे.
स्पायडर मॅनच्या हिंदी आणि पंजाबी व्हर्जनमध्ये मुख्य पात्राला शुभमन गिलने आवाज दिला आहे. या अॅनिमेटेड चित्रपटाचा ट्रेलर 2 जून रोजी रिलीज होणार आहे, हे सोनी पिक्चर्सच्या अधिकृत पेजवर शेअर करण्यात आले आहे.
IPL 2023 मधील शुभमन गिलच्या कामगिरीबद्दल बोलायचे तर तो गुजरात टायटन्सचा आतापर्यंतचा सर्वात यशस्वी फलंदाज आहे. गुजरातचा संघ गुणतालिकेत अव्वल स्थानी आहे. तसेच धावांच्या बाबतीत शुभमन गिल या संघात पहिल्या क्रमांकावर आहे. त्याने आतापर्यंत खेळलेल्या 11 सामन्यांमध्ये 4 अर्धशतकांसह 469 धावा केल्या आहेत, ज्यामध्ये नाबाद 94 ही त्याची सर्वोत्तम धावसंख्या आहे.
शुभमन गिलने नुकत्याच दिलेल्या एका मुलाखतीत रश्मिका मंधानावर क्रश असल्याचं सांगितलं होतं.