Holi च्या दिवशी टीम इंडियाच्या खेळाडूला मिळाली Good News, दुसऱ्यांदा बनला ‘पिता’
Team India : टीम इंडियाचा वेगवान गोलंदाज दुसऱ्यांदा पिता बनलाय. त्याने सोशल मीडियाच्या माध्यमातून ही गुड न्यूज सर्वांसोबत शेअर केलीय.
टीम इंडियाचा वेगवान गोलंदाज उमेश यादवसाठी होळीचा दिवस खास राहिला. 8 मार्चचा दिवस उमेश यादव कधीच विसरणार नाही. कारण या दिवशी टीम इंडियाचा हा खेळाडू पिता बनलाय.
उमेश यादवची बायको तान्याने एका गोंडस मुलीला जन्म दिलाय. उमेश यादवने सोशल मीडियावर पोस्ट करुन ही गुड न्यूज सर्वांसोबत शेअर केली. अलीकडेच उमेश यादव वडिलांच्या निधनामुळे दु:खी होता. पण आता यादव कुटुंबात एक गोंडस मुलगी आलीय.
2013 मध्ये उमेश यादव आणि तान्याच लग्न झालं. उमेश 2021 मध्ये पहिल्यांदा पिता बनला. त्याच्या पत्नीने एका सुंदर मुलीला जन्म दिला. आता पुन्हा एकदा उमेश एका गोंडस मुलीचा पिता बनलाय.
उमेश यादवच्या आधी टीम इंडियाच्या अनेक स्टार क्रिकेटपटुंच्या घरात मुलींचा जन्म झालाय. विराट कोहली, रोहित शर्मा, चेतेश्वर पुजारा, अजिंक्य रहाणे, रवींद्र जाडेजा हे सुद्धा मुलींचे पिता आहेत. आता उमेश यादवचा या यादीत समावेश झालाय.
उमेश यादवला इंदोर कसोटीत प्लेइंग 11 मध्ये संधी मिळाली होती. यादवने पहिल्या इनिंगमध्ये 3 विकेट काढल्या. त्याच्यामुळे टीम इंडियाने कसोटीमध्ये पुनरागमन केलं. अखेरीस सामना ऑस्ट्रेलियाने जिंकला.
