ODI World Cup 2023 आधी या 2 खेळाडूंमुळे टीम इंडियाचं टेन्शन दुप्पट
Indian CriCket Team Icc World Cup 2023 | यंदा भारतात वर्ल्ड कप होत असल्याने टीम इंडियासाठी जमेची बाजू आहे. मात्र त्याआधी टीम इंडियाच्या दोघांमुळे टेन्शन वाढलंय. कोण आहेत ते दोघे? जाणून घ्या.
आयसीसी वनडे वर्ल्ड कपला आता मोजून 100 तासांपेक्षा कमी वेळ बाकी आहे. मात्र त्याआधी टीम इंडियाचं टेन्शन वाढलं आहे.
टीम इंडियाने वर्ल्ड कपआधी ऑस्ट्रेलियावर 2-1 असा विजय मिळवला. मात्र 2 खेळाडूंची कामगिरी हा टीम इंडियासाठी चिंतेचा विषय ठरला आहे.
मुंबईकर सूर्यकुमार यादव आणि शार्दुल ठाकुर या दोघांच्या कामगिरीमुळे वर्ल्ड कपआधी टीम इंडिया चिंतेत आहे.
शार्दुल ठाकुर याने ऑस्ट्रेलिया विरुद्धच्या एकदिवसीय मालिकेत 14 ओव्हर बॉलिंग केली. शार्दुलने 14 ओव्हरमध्ये एकही विकेट न घेता 113 धावा लुटवल्या. शार्दुलला टीममध्ये ऑलराउंडर म्हणून स्थान देण्यात आलंय. मात्र त्याला दोन्ही आघाड्यांवर हवी तशी कामगिरी करता आलेली नाही.
सूर्यकुमार यादव याने ऑस्ट्रेलिया विरुद्धच्या पहिल्या 2 सामन्यांमध्ये धमाकेदार अर्धशतकी खेळी केली. मात्र तिसऱ्या सामन्यात त्याला हीच कामगिरी कायम ठेवता आली नाही. वर्ल्ड कपच्या तोंडावर सूर्या निर्णायक सामन्यात अपयशी ठरणं टीम इंडियासाठी धोक्याची घंटा आहे.
