WCPL 2026 Final Winner: गयाना ॲमेझॉन वॉरियर्स बनले चॅम्पियन; 39 वर्षांच्या चेडियन नेशनचा फायनलमध्ये मोठा पराक्रम
महिला कॅरेबियन प्रीमियर लीगच्या अंतिम सामन्यात गयाना ॲमेझॉन वॉरियर्सने चमत्कारिक विजय मिळवला. हा विजय एका 39 वर्षांच्या अनुभवी खेळाडूने निश्चित केला, जिने नाबाद 39 धावांची तुफानी खेळी खेळत संपूर्ण सामन्याचा पासाच पालटून टाकला...
महिला कॅरेबियन प्रीमियर लीगच्या (WCPL 2026) अंतिम सामन्यात गयानाने त्रिनबागो नाइट रायडर्सचा 2 विकेट्सने पराभव केला. गयानाला फायनलमध्ये चमत्कारिक विजय चेडियन नेशनने मिळवून दिला, जिने आपल्या तुफानी हिटिंगच्या जोरावर संपूर्ण सामन्याचा पासाच पालटून टाकला. (फोटो-GETTY IMAGES)
39 वर्षांच्या या खेळाडूने फायनल मॅचमध्ये नाबाद 39 धावा केल्या. मोठी गोष्ट म्हणजे गयानाच्या टीमने 6 विकेट्स अवघ्या 79 धावांवर गमावल्या होत्या, पण त्यानंतर चेडियन नेशनने झंझावाती फलंदाजी करत 19 व्या ओव्हरपर्यंत स्कोअर 8 विकेट्सवर 137 धावांपर्यंत पोहोचवला. शेवटच्या ओव्हरमध्ये विजयासाठी 9 धावांची गरज होती आणि चेडियन नेशनने अवघ्या 3 चेंडूंमध्ये 2 षटकार ठोकत टीमला फायनल जिंकवून दिली. (फोटो-GETTY IMAGES)
चेडियन नेशनला संपूर्ण टूर्नामेंटमध्ये फलंदाजीची संधी मिळाली नव्हती. फायनल मॅचमध्येच तिला पहिल्यांदा बॅटिंगची संधी मिळाली आणि तिने नाबाद 39 धावा करत 'प्लेअर ऑफ द मॅच' पुरस्कारावर नाव कोरले. (फोटो-GETTY IMAGES)
चेडियन नेशनची खास गोष्ट म्हणजे तिने वर्ष 2008 मध्ये पदार्पण केले होते आणि अवघ्या 1 वर्षानंतरच तिला वेस्ट इंडिजच्या टीममधून बाहेर करण्यात आले. यानंतर वर्ष 2016 मध्ये तिचे वेस्ट इंडिजच्या संघात पुनरागमन झाले. तिची भारत दौऱ्यासाठी टीममध्ये निवड झाली होती. (फोटो-GETTY IMAGES)
चेडियन नेशन वर्ष 2021 मध्ये पाकिस्तानविरुद्धच्या T20 मॅचदरम्यान मैदानावरच बेहोश होऊन पडली होती. तिची ही अवस्था पाहून सर्वजण प्रचंड घाबरले होते. मात्र, नंतर ती बरी झाली आणि तेव्हा कुठे सर्वांचा जीव भांड्यात पडला.(फोटो-GETTY IMAGES)
