PHOTO | जीपीएस नेव्हिगेटरवरही मात करतो शार्कचा मेंदू, विशाल समुद्रातही शोधतो अचूक मार्ग
एका संशोधनातून असे समोर आले आहे की, शार्कमध्ये नैसर्गिक नेव्हीगेटर असते. हे शार्क कोणत्याही ठिकाणी जाण्यासाठी आणि तेथून परत येण्यासाठी चुंबकीय क्षेत्राचा वापर करतात. (The GPS navigator also overcomes the shark's brain, finding the right way even in the vast ocean)
एखाद्या अज्ञात ठिकाणी जाण्यासाठी आपण गूगल मॅपची मदत नक्कीच घेतली असेल. परंतु आपल्याला माहित आहे का गूगल मॅपपेक्षाही अचूक मार्ग विशाल समुद्रात राहणाऱ्या शार्कला माहित असतो? करंट बायोलॉजीने नुकत्याच दिलेल्या अहवालात दावा केला आहे की, शार्कमध्ये एक नैसर्गिक जीपीएस नेव्हीगेटर असते, म्हणून त्यांना कोणताही मार्ग चांगल्या प्रकारे माहित असतो. दशकांपासून असे म्हटले जाते की पाण्यात राहणारे जीव लांबचा प्रवास करण्यास सक्षम आहेत. खास गोष्ट अशी की शिकार केल्यानंतर आपल्या जागी ते परत जातात.
आपली शिकार शोधण्यासाठी आणि त्याच्यापर्यंत पोहोचण्यासाठी शार्क इलेक्ट्रोसेन्सिंग क्षमता वापरतात. अशा प्रकारे, इतर जलीय जीवांप्रमाणेच, ते चुंबकीय क्षेत्राचा अवलंब करून शिकार करतात आणि नंतर आपल्या जागी परत जातात. तथापि, अद्याप ते सिद्ध करता आले नाही.
याबद्दल जाणून घेण्यासाठी फ्लोरिडास्थित फाउंडेशनच्या संशोधकांनी शार्क कुटुंबावर संशोधन केले आहे. त्यांनी पाहिले की हे शार्क दरवर्षी निश्चित ठिकाणी जातात. अशाप्रकारे हे सिद्ध झाले आहे की शार्कला पाण्याखाली आपली मूळ जागा लक्षात असते आणि अधिक कालावधीनंतरही आपल्या जागी परत येतात.
या संशोधनात, एक कृत्रिम चुंबकीय क्षेत्र तयार केले गेले. परिणामात असे आढळले की शार्कने केवळ या चुंबकीय क्षेत्राच्या आधारे स्थान शोधले. जेव्हा ते आपल्या मूळ ठिकाणी पोहचले तेव्हा ते कोणतेही नवीन स्थान शोधत नव्हते.
संशोधकांनी असेही म्हटले आहे की शार्कच्या ज्या जातीवर त्यांनी हे संशोधन केले आहे ते शार्कच्या इतर प्रजातींमध्ये दिसेल याची शक्यता फारच कमी आहे. 'द ग्रेट व्हाइट' शार्क दक्षिण आफ्रिका ते ऑस्ट्रेलियापर्यंत प्रवास करतात आणि ते दक्षिण आफ्रिकेत परत जातात.
शार्कची ही प्रजाती 9 महिन्यांत 20,000 किमी अंतर जाते आणि नंतर मूळ ठिकाणी परत येते.