‘या’ ठिकाणी बनलंय राष्ट्रपिता महत्मा गांधींचं मंदिर, दररोज केली जाते पूजा-अर्चना, पाहा फोटो
देशातील प्रत्येक लहान मूल देखील महात्मा गांधींना ओळखतो. स्वातंत्र्यलढ्यातील त्यांचे योगदान कोणालाही विसरता येणार नाही. भारतातील अनेक रस्ते, शाळा आणि महाविद्यालये महात्मा गांधींच्या (Mahatma Gandhi) नावे बांधली गेली आहेत. पण तुम्हाला माहिती आहे का की, महात्मा गांधीजींचे मंदिर बांधले गेले आहे?
कर्नाटकातील मंगळूरू येथे गांधीजींचे एक खास मंदिर आहे, ज्यामध्ये दररोज त्यांची पूजा केली जाते. महात्मा गांधींचे हे मंदिर मंगळूरूच्या श्री ब्रह्मा बैदरकला क्षेत्र गरोडी येथे बांधले गेले आहे.
महात्मा गांधींचे अनेक अनुयायी या मंदिरात येतात आणि त्यांच्या म्हणण्याप्रमाणे सत्य आणि अहिंसा मार्गाचा अवलंब करण्याचा संकल्प करतात.
येथे 1948मध्ये गांधीजींचा मातीचा पुतळा बसवण्यात आला होता. त्यानंतर 2006 मध्ये लोकांच्या मागणीनुसार येथे मंदिर बांधण्यात आले आणि गांधीजींचा संगमरवरी पुतळा बसवण्यात आला. येथे गांधीजींची दिवसातून तीन वेळा पूजा केली जाते आणि आरती देखील केली जाते.
गांधी जयंतीच्या दिवशी या मंदिरात विशेष पूजेचे आयोजन केले जाते. फळं आणि मिठाईबरोबरच गांधीजींच्या पुतळ्यावर ब्लॅक कॉफी अर्पण केली जाते आणि ती प्रसाद म्हणून भाविकांमध्ये वाटली जाते.
ओरिसाच्या संबलपूर जिल्ह्यातील भटारा गावातही महात्मा गांधींचे मंदिर आहे. या मंदिरात तांब्यापासून बनवलेली गांधीजींची 6 फूट उंच मूर्ती आहे. ज्या घरात महात्मा गांधींचा जन्म झाला त्याच घराचे संग्रहालयात रूपांतर झाले, त्याचे नाव ‘कीर्ती मंदिर’ असे आहे.
