Ram Mandir : अयोध्येतील राम मंदिराचं काम शेवटच्या टप्प्यात, नवीन फोटो आले समोर
अयोध्येत राम मंदिराचं काम आता अंतिम टप्प्यात आलं असून नवे फोटो समोर आले आहे. मंदिराच्या भिंती आणि छताचे फोटो समोर आले असून यावरून मंदिराची भव्यता दिसते.
श्रीराम जन्मभूमी तीर्थ क्षेत्राचे महासचिव चंपत राय यांनी मंदिराचे काही फोटो शेअर केले आहेत.
मंदिरातील दगडावर कोरलेली सुंदर नक्षी लक्ष वेधून घेते. तसेच मंदिराची भव्यता फोटोतून समोर आली आहे.
मंदिराचं आतापर्यंत झालेलं काम पाहता अद्भुत वास्तुकलेचं दर्शन होत आहे. सप्टेंबर 2023 पर्यंत मंदिराचं काम पूर्ण होईल.
2024 साली मकर संक्रांतीला भगवान रामाच्या मूर्तीची गाभाऱ्यात प्राणप्रतिष्ठापना केली जाईल.
चंपत राय यांच्या मते, मंदिर निर्मितीचं कार्य वेगाने सुरु आहे. मंदिराचा ढाचा जवळपास तयार आहे.
मंदिराचं काम या वर्षाच्या शेवटी पूर्ण होईल. दिवसरात्र यासाठी काम केलं जात आहे.
श्रीरामजन्म भूमी तीर्थ क्षेत्र परिसरात भगवान रामाच्या तीन मूर्ती घडवल्या जात आहेत.
कोणती मूर्ती गर्भगृहात स्थापित केली जाईल याबाबत अद्याप खुलासा केलेला नाही. पण तीन पैकी एक मूर्ती गाभाऱ्यात स्थापित केल्यानंतर उर्वरित दोन मूर्ती मंदिर परिसरात स्थापित केल्या जातील.
