Todays Gold Rate: खुशखबर! सोन्याच्या दरात पुन्हा मोठी घसरण, आजच खरेदी करा, आज 10 ग्रॅमसाठी…
Todays Gold Rate: गेल्या दहा दिवसांमध्ये सोन्याच्या दरात चांगलीच घसरण झाली आहे. आज 10 ग्रॅम सोन्याचा भाव किती ते जाणून घ्या...
गेल्या दहा दिवसांपासून सुरू असलेल्या अमेरिका व इराण यांच्यातील युद्धाचा जळगावच्या सराफ बाजारातील सोन्या आणि चांदीच्या दरावर मोठा परिणाम झाला आहे. पण आज सोन्याच्या दरात मोठी घसरण झाल्याचे समोर आले आहे.
28 फेब्रुवारी रोजी सोन्याचे दर विना जीएसटी 1 लाख 68 हजार रुपये होते. तर आजचे सोन्याचे दर हे विना जीएसटी 1 लाख 60 हजार रुपयांवर आले आहेत. दहा दिवसांपूर्वी चांदीचे दर 2 लाख 90 हजारांवर होते. तेच दर आज 2 लाख 66 हजार रुपयांवर आले आहेत.
दोन वर्षांपासून सतत वाढत राहणाऱ्या सोन्याच्या दरात आज मोठी घसरण झाली आहे. दहा दिवसात सोन्याचे दर तब्बल 8 हजार रुपयांनी तर चांदीच्या दरात तब्बल 24 हजार रुपयांची घसरण झाली आहे. आज देखील सोन्याच्या दरात एक हजार रुपयांची तर चांदीच्या दरात 2 हजार रुपयांची घसरण झाली आहे.
आज 10 ग्रॅम सोन्याचे दर जीएसटीसह 1 लाख 64 हजार 800 रुपयांवर पोहोचले आहेत. तर चांदीचे दर जीएसटीसह 2 लाख 73 हजार 980 रुपयांवर पोहोचले आहेत. सोन्याच्या चांदीच्या दरात चढ उतार होत असल्याने ग्राहक वेट अँड वॉच च्या भूमिकेत असल्यामुळे ग्राहकांची संख्या मंदावली आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
