Todays Gold Rate: आता तर खरेदी करणं शक्यच नाही! सोन्याच्या भावात विक्रमी वाढ, आजचा 10 ग्रॅमचा भाव वाचा
Todays Gold Rate: आज जळगावच्या सराफ बाजारात मोठी उलथापालथ झाल्याचे पाहायला मिळत आहे. आज सोन्याच्या भावाने अक्षरश: आकाशाला स्पर्श केला आहे. आजचा 10 ग्रॅम सोन्याचा भाव किती? जाणून घ्या...
सोने हा मौल्यवान धातू खरेदी करण्यापूर्वी सर्वसामान्य नागरिकांना दहा वेळा विचार करावा लागतो. कारण सोन्याचे भाव गेल्या काही दिवसांपासून सतत वाढताना दिसत आहेत. आज जळगावच्या सराफ बाजारात सलग दुसऱ्या दिवशी सोन्या आणि चांदीच्या दरात विक्रमी वाढ झाल्याचे समोर आले आहे.
सराफ बाजारात सोन्याच्या दरात तब्बल 2 हजार 970 रुपयांची वाढ झाली आहे. त्यामुळे 10 ग्रॅम सोन्याचा भाव जीएसटीसह 1 लाख 52 हजार 409 रुपयांवर पोहोचला आहे.
तर दुसरीकडे चांदीच्या दरात 1 हजार 950 रुपयांची वाढ झाली आहे. त्यामुळे चांदीचे दर जीएसटीसह 2 लाख 36 हजार 848 रुपयांवर पोहोचले आहेत.
दोनच दिवसात सोन्याच्या दरात 5 हजार 470 रुपयांची वाढ झाली आहे. तर चांदीच्या दरात 8 हजार 950 रुपयांची वाढ झाली आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
