GK : कोणत्या देशात सर्वात जास्त अंडी खाल्ली जातात? भारताचा नंबर कितवा?
Egg : जगातील जवळपास सर्वच ठिकाणी अंड्यांचे सेवन केले जाते. ब्रेकफास्ट, लंच आणि डिनरमध्येही अंड्यांचे वेगवेगळे पदार्थ बनवून खाल्ले जातात. आज आपण कोणत्या देशात सर्वात जास्त अंडी खाल्ली जातात याची माहिती जाणून घेऊयात.
आजच्या धावपळीच्या जीवनात अंडे हे सर्वात स्वस्त आणि आरोग्यदायी ‘सुपरफूड’ बनले आहे. जिमला जाणारे तरुण, शाळेत जाणारी मुले किंवा ऑफिसला घाईत जाणारे लोक आवडीने अंडी खातात.
अलीकडेच रॅबोबँकच्या ग्लोबल एग इंडस्ट्री आउटलुक 2025 या अहवालात काही धक्कादायक आकडे समोर आले आहेत. यात कोणता देश अंडी खाण्यात आघाडीवर आहे हे समोर आले आहे.
अहवालानुसार, अंडी खाण्याच्या बाबतीत मेक्सिको आणि जपान हे देश आघाडीवर आहेत. या दोन्ही देशांतील लोक अंड्यांचे इतके शौकीन आहेत की प्रत्येक व्यक्ती वर्षाला सरासरी 300 पेक्षा जास्त अंडी खातो.
मेक्सिकोमध्ये अंडे हे नाश्त्यापासून ते रात्रीच्या जेवणापर्यंत प्रत्येक जेवणाचा महत्त्वाचा भाग आहे. तर जपानमध्ये अंड्यांची गुणवत्ता आणि त्यापासून बनणारे पदार्थ जगभर प्रसिद्ध आहेत.
भारत जगातील दुसऱ्या क्रमांकाचा अंडी उत्पादक देश असला, तरी अंडी खाण्याच्या बाबतीत आपण अजूनही जागतिक सरासरीपेक्षा मागे आहोत. भारतातील प्रत्येक व्यक्ती सरासरी 106 अंडी खातो. हा आकडा आता वाढू लागला आहे.
