बाथरुममधील ‘या’ गोष्टींची काळजी घेणे गरजेचे, अन्यथा होऊ शकते मोठे नुकसान
वास्तूशास्त्रानुसार, घरातील बाथरुमधील अनेक गोष्टींची काळजी घेणे गरजेचे असते. अन्यथा नकारात्मक ऊर्जा पसरणे किंवा इतर नुकसानदेखील होते.
बाथरूममधील टॉयलेट सीट कधीही उघडी ठेवू नये. ती नेहमी बंद ठेवावी. टॉयलेट सीट उघडी राहिल्यास आर्थिक समस्या आणि मानसिक तणावाचा सामना करावा लागू शकतो.
बाथरूममधील आरसा नेहमी योग्य ठिकाणी असावा. आरसा नेहमी उत्तर किंवा पूर्व दिशेला लावावा. तसेच, आरसा कधीही घाणेरडा राहू नये याची काळजी घ्यावी.
वास्तुशास्त्रानुसार, बाथरूमजवळ मंदिर असणे अशुभ मानले जाते. हा एक मोठा वास्तुदोष आहे. जर तुमच्या घरात अशी परिस्थिती असेल, तर ती तात्काळ दुरुस्त करा आणि बाथरूम व मंदिरामध्ये लाकडी विभाजन (पार्टिशन) लावावे.
बाथरूम नेहमी स्वच्छ आणि नीट ठेवावे. पसारा असलेले बाथरूम नकारात्मक ऊर्जेला आकर्षित करते. त्यामुळे सामान पसरणार नाही याची काळजी घ्या आणि व्यवस्थित ठेवावे.
बाथरूममधील नळातून पाणी गळत नाही ना, याची खात्री करा. गळणारे पाणी अशुभ मानले जाते. बाथरूमचा नळ घट्ट बंद करा. गळणारे पाणी आर्थिक नुकसान दर्शवते.
जर तुम्हाला बाथरूमचा दरवाजा उघडा ठेवण्याची सवय असेल, तर ही सवय बदला. बाथरूमचा दरवाजा नेहमी बंद ठेवावा.
