D- Mart मध्ये या घरगुती उपयोगी वस्तू कधीच मिळत नाहीत, कोणत्या आहेत त्या वस्तू?
गेल्या अनेक दिवसांपासून डी-मार्टमध्ये मोठ्या प्रमाणात ग्राहकांची गर्दी वाढताना दिसत आहे. कारण त्या ठिकाणी महिलांना सर्व घरगुती वस्तु स्वस्त आणि एकाच ठिकाणी मिळतात. पण तुम्हाला माहिती आहे का की डी-मार्टमध्ये कोणत्या वस्तू मिळत नाहीत? जाणून घ्या सविस्तर
सध्या देशभरात DMart मध्ये खरेदी करण्याचा ट्रेंड मोठ्या प्रमाणात वाढला आहे. परवडणाऱ्या दरात घरगुती वस्तू, किराणा सामान, कपडे आणि इतर दैनंदिन गरजेच्या वस्तू एकाच ठिकाणी मिळत असल्याने ग्राहकांचा ओढा दिवसेंदिवस वाढताना दिसतो.
मात्र, जवळपास सर्वच वस्तू मिळतात असे वाटत असले तरी काही महत्त्वाच्या गोष्टी डीमार्टमध्ये जाणीवपूर्वक उपलब्ध ठेवण्यात येत नाहीत. यामागे व्यवसायिक धोरणे, साठवणुकीच्या अडचणी आणि ग्राहकांच्या गरजांचा अभ्यास अशा विविध कारणांचा समावेश आहे.
सर्वप्रथम, डीमार्टमध्ये ताजे मांसाहारी पदार्थ मिळत नाहीत. काही ठिकाणी गोठवलेले मांसाहारी पदार्थ मर्यादित प्रमाणात उपलब्ध असू शकतात, परंतु ताजे मांस, मासे किंवा चिकन विक्रीसाठी ठेवले जात नाही. यामागे स्वच्छता, साठवणूक आणि लॉजिस्टिकची मोठी जबाबदारी ही प्रमुख कारणे मानली जातात.
तसेच, पालेभाज्या किंवा लवकर खराब होणाऱ्या भाज्या डीमार्टमध्ये सहसा उपलब्ध नसतात. पालक, मेथी, कोथिंबीर यांसारख्या भाज्या कमी कालावधीत खराब होतात. त्यामुळे त्यांची गुणवत्ता टिकवणे आणि मोठ्या प्रमाणात साठवणूक करणे कठीण जाते. म्हणूनच डीमार्ट या प्रकारच्या वस्तूंपासून दूर राहतो.
याशिवाय, डॉक्टरांच्या प्रिस्क्रिप्शनवर मिळणारी औषधे म्हणजेच पूर्ण स्वरूपातील फार्मसी सेवा अनेक डीमार्ट स्टोअर्समध्ये उपलब्ध नसते. मात्र, दैनंदिन वापरातील काही साधी औषधे जसे Vicks VapoRub, Tiger Balm किंवा साध्या गोळ्या मर्यादित प्रमाणात विक्रीसाठी ठेवण्यात येतात.
तसेच, मोठ्या आकाराच्या इलेक्ट्रॉनिक वस्तू जसे टीव्ही, फ्रिज, वॉशिंग मशीन यांसारख्या उपकरणांची विक्रीही डीमार्टमध्ये केली जात नाही. डीमार्ट दैनंदिन वापरातील वस्तूंवर लक्ष केंद्रित करते, त्यामुळे अशा मोठ्या गुंतवणुकीच्या उत्पादनांपासून ते दूर राहतात.
