कोणत्याच हॉटेलमध्ये 13 नंबरची रुम का नसते? 99 टक्के लोकांना माहिती नाही कारण, ऐकून व्हाल थक्क
तुम्ही अनेकदा हॉटेलमध्ये गेल्यानंतर तुम्हाला 12 रुम नंतर थेट 14 नंबरची रुम दिसते. मात्र, अनेक हॉटेलमध्ये 13 नंबरची रुम का नसते? जाणून घ्या कारण
तुम्ही कधी एखाद्या हॉटेलमध्ये गेल्यावर रूम नंबर पाहिले असतील तर 12 नंतर थेट 14 नंबरची रूम किंवा मजला दिसल्याचे लक्षात आले असेल. ही केवळ क्रमांक देताना झालेली चूक नसून, त्यामागे अनेक वर्षांपासून चालत आलेली अंधश्रद्धा, सांस्कृतिक समजुती आणि ग्राहकांच्या मानसिकतेशी संबंधित कारणे आहेत.
जगातील अनेक देशांमध्ये 13 हा अंक अशुभ मानला जातो. काही पाश्चात्त्य समजुतीनुसार टॅरो कार्डमधील 13 क्रमांकाचे कार्ड मृत्यू किंवा मोठ्या बदलाचे प्रतीक मानले जाते. तसेच नॉर्स पौराणिक कथांमध्ये 12 देवांच्या मेजवानीत 13 वा पाहुणा आल्यामुळे अनर्थ घडल्याची कथा प्रसिद्ध आहे.
याच कारणामुळे अनेक हॉटेल्स, व्यावसायिक इमारती आणि निवासी संकुलांमध्ये 13 क्रमांकाची रूम किंवा 13 वा मजला टाळला जातो. काही ठिकाणी 13 व्या मजल्याऐवजी थेट 14 वा मजला दाखवला जातो.
भारतातही काही आलिशान हॉटेल्स आणि आंतरराष्ट्रीय साखळीतील हॉटेल्स परदेशी पर्यटकांच्या भावना आणि मानसिक समाधान लक्षात घेऊन ही पद्धत अवलंबतात.
प्रत्यक्षात 13 हा अंक अशुभ असल्याचे कोणतेही वैज्ञानिक पुरावे नसले, तरी ग्राहकांचा विश्वास आणि त्यांचा आराम महत्त्वाचा मानून अनेक हॉटेल्स आजही ही परंपरा कायम ठेवतात.
