इतिहास रचणारा हॉरर चित्रपट, गिनीज बुकमध्ये नोंद, 46 वर्षानंतर OTT वर करतोय ट्रेंड
रेकॉर्ड बनवणारा हॉरर चित्रपट, ज्याची गिनीज बुकमध्ये नोंद, 46 वर्षांपूर्वीचा चित्रपट OTT वर ट्रेंडमध्ये, तुम्ही पाहिला का?
हॉरर चित्रपटांमध्ये काही कथा अशा असतात की त्या दीर्घकाळ प्रेक्षकांच्या मनात घर करून राहतात. अशाच चित्रपटांपैकी एक म्हणजे The Shining. जवळपास 46 वर्षांपूर्वी प्रदर्शित झालेला हा चित्रपट आजही हॉरर आणि सायकोलॉजिकल थ्रिलर प्रकारातील सर्वात प्रभावी चित्रपटांपैकी एक मानला जातो.
हा चित्रपट प्रसिद्ध दिग्दर्शक स्टॅन्ली कुब्रिक यांनी दिग्दर्शित केला असून त्याची कथा प्रसिद्ध लेखक स्टीफन किंग यांच्या कादंबरीवर आधारित आहे. चित्रपटात जॅक निकोल्सन सह अनेक कलाकारांनी प्रमुख भूमिका साकारल्या आहेत.
चित्रपटाची कथा लेखक जॅक टॉरन्स आणि त्याच्या कुटुंबाभोवती फिरते. जॅक आपल्या पत्नी आणि मुलासह हिवाळ्यात एका सुनसान हॉटेलची देखभाल करण्यासाठी तिथे राहायला जातो. बर्फाने वेढलेल्या त्या हॉटेलमध्ये हळूहळू विचित्र आणि भयावह घटना घडू लागतात.
हॉटेलचा भयानक भूतकाळ जॅकच्या मनावर परिणाम करू लागतो. 13 जून 1980 रोजी प्रदर्शित झालेल्या The Shining या चित्रपटाला सुरुवातीला मिश्र प्रतिक्रिया मिळाली होती.
मात्र कालांतराने या चित्रपटाला कल्ट क्लासिकचा दर्जा मिळाला. आजही IMDb वर या चित्रपटाला सुमारे 8.4 रेटिंग मिळाले आहे.
मीडिया रिपोर्टनुसार, या चित्रपटाचे बजेट सुमारे 19 मिलियन डॉलर होते तर जागतिक स्तरावर त्याने 45 ते 50 मिलियन डॉलरपर्यंत कमाई केली. आजही हॉरर चित्रपटांच्या चाहत्यांसाठी हा चित्रपट एक खास अनुभव मानला जातो.
