मिहिर ज्या बारमध्ये प्यायला त्याच्यावर बुलडोझर… परवानाही रद्द; वरळीतील हिट अँड रन प्रकरणानंतर मोठी कारवाई
वरळी हिट अँड रन प्रकरणी मुंबई महापालिकेच्या अतिक्रमण हटाव पथकाने या बारच्या बेकायदेशीर भागावर कारवाई केली आहे.
मुंबई पोलिसांनी वरळी हिट अँड रन प्रकरणातील मुख्य आरोपी मिहीर शाह याला तिसऱ्या दिवशी पोलिसांनी अटक केली.
आरोपी मिहीर याने अपघाताआधी मध्यरात्री जुहू येथे एका बारमध्ये पार्टी केल्याची माहिती समोर आली होती.
याच पार्श्वभूमीवर वरळी हिट अँड रन प्रकरणी उत्पादन शुल्क विभागाने मोठी कारवाई केली होती. जुहूच्या व्हाईस ग्लोबल तपस बारला उत्पादन शुल्क विभागाने सील ठोकले होते.
आता मुंबई महापालिकेने जुहूच्या व्हाईस ग्लोबल तपस बारवर हातोडा मारला आहे. मुंबई महापालिकेच्या अतिक्रमण हटाव पथकाने या बारच्या बेकायदेशीर भागावर कारवाई केली आहे.
जुहूतील तपस बारवर मुंबई महापालिकेकडून बुलडोझर कारवाई करण्यात आली आहे. या बारने अतिरिक्त पद्धतीने केलेल्या अवैध बांधकामावर पालिकेने कारवाई केली आहे.
तर दुसरीकडे राज्य उत्पादन शुल्क विभागाने जुहूतील या बारचा परवाना रद्द केला.
तसेच तपस बारचा परिसर सील करण्यात आले आहे. याप्रकरणी १९ जुलै रोजी उपनगर जिल्हाधिकाऱ्यांसमोर सुनावणी होणार आहे.
परवानगी नसलेल्या भागात मद्यपान विक्री केल्याने ही कारवाई करण्यात आली आहे.
मिहीर शहाचं वय २५ वर्ष नसतानाही त्याला हार्ड ड्रिंक दिलं होतं, अशीही माहिती समोर आली आहे.
त्यामुळे या नियोजित सुनावणीचा निकाल येईपर्यंत बार उघडता येणार नसल्याचेही प्रशासनाने म्हटले आहे.
