सलमान खानसोबत दिसणारी ही छोटी मुलगी कोण? आता सौंदर्यामुळे चर्चेत, ठरली मिस इंडिया रनर अप
सलमान खानसोबत दिसणारी ही छोटी मुलगी आता दिसतेय प्रचंड सुंदर. सौंदर्यामुळे ठरली मिस इंडिया रनर अप. कोण आहे ती अभिनेत्री?
1999 साली प्रदर्शित झालेल्या सूरज बडजात्या यांच्या सुपरहिट चित्रपट ‘हम साथ साथ हैं’ मधील सलमान खानच्या कुशीत दिसणारी ती गोंडस, निरागस चिमुरडी आजही अनेकांच्या आठवणीत आहे.
त्या छोट्याशा भूमिकेने प्रेक्षकांच्या मनात घर करणारी हीच चिमुकली आज ओटीटी विश्वातील एक ओळखीचं आणि लोकप्रिय नाव बनले आहे. ही अभिनेत्री म्हणजे जोया अफरोज.
अतिशय लहान वयात अभिनय क्षेत्रात पदार्पण करणाऱ्या जोया अफरोजने ‘हम साथ साथ हैं’ मध्ये आपल्या मासूम अभिनयाने साऱ्यांची मनं जिंकली होती. आज तीच जोया आपल्या सौंदर्याने, आत्मविश्वासाने आणि दमदार अभिनयाने चाहत्यांवर जादू करताना दिसते.
नुकतीच तिची वेब सिरीज ‘तस्करी’ ओटीटी प्लॅटफॉर्मवर ट्रेंड करत होती आणि त्यामुळे ती पुन्हा एकदा चर्चेत आली आहे. 1998 साली आलेल्या टीव्ही मालिके ‘कोरा कागज’मधून ती पहिल्यांदा प्रेक्षकांसमोर आली. मात्र खरी ओळख मिळाली ती ब्लॉकबस्टर चित्रपट ‘हम साथ साथ हैं’ मधून.
वय वाढत गेल्यावर जोयाने अभिनयासोबतच मॉडेलिंगच्या क्षेत्रातही पाऊल ठेवलं. 2013 साली तिने फेमिना मिस इंडिया स्पर्धेत भाग घेतला. जरी ती विजेती ठरली नाही मात्र, तिने मिस इंडिया इंटरनॅशनल 2021 हा किताब जिंकला आणि जपानमध्ये झालेल्या मिस इंटरनॅशनल 2022 स्पर्धेत भारताचं प्रतिनिधित्व केलं.
