खोटारडे राजकारणी सत्तेत, सारे टेंडरबाज!; मुख्यमंत्री शिंदेंच्या टीकेला संजय राऊतांचं उत्तर

संदिप राजगोळकर, प्रतिनिधी – टीव्ही 9 मराठी, नवी दिल्ली | 21 डिसेंबर 2023 : विधिमंडळाचं अधिवेशल काप संपलं. अधिवेशनाच्या शेवटच्या दिवशी मुख्यमंत्री एकनाथ शिंदे यांनी ठाकरे गटाचे नेते आदित्य ठाकरे यांच्यावर गंभीर आरोप केले. त्यांच्या या आरोपांना ठाकरे गटाचे नेते, खासदार संजय राऊत यांनी उत्तर दिलं आहे. एकनाथ शिंदे काय बोलले मला माहित नाही. खोटारडे राजकारणी सत्तेवर बसले आहेत. त्यांनी सगळ्यात जास्त टेंडरबाजी केली आहे. मी आतही नाव घेऊ शकतो. आपण कोणावर बोलतो याचं भान त्यांना नसेल. भाजपच भाषण ते वाचून दाखवत आहेत, असं संजय राऊत म्हणालेत.

आमचा सध्या सुरु असलेला लढा व्यक्ती विरुद्ध नाही. तर संविधान वाचवण्यासाठी आहे. संसदीय लोकप्रणाली, संसद वाचवण्यासाठी आमची लढाई आहे. जे लोक एका व्यक्तीच्या संरक्षणासाठी उभे आहेत. त्यांच्या अंतर आत्म्याला हे मान्य आहे का? हे विचारावं लागेल, असा थेट सवाल राऊतांनी केला आहे.

लोकशाहीचं मंदिर पायदळी तुडवलं. त्यांना राम मंदिराच्या उद्घाटनाचा अधिकार नाही. रामाची लढाई रावणाशी होती. पण त्यांच्या मनात रावणाबद्दल त्यांना आदर होता. पण रामाचे भक्त आहेत. त्यांना हा रामाचा विचार मान्य आहे का? लोकशाहीच्या मंदिरात असं कृत्य करणंस, हा देशाचा मोठा अपमान आहे. राम मंदिराच्या उद्घाटनाच उद्धव ठाकरे यांना निमंत्रण देणार नाहीत. लालकृष्ण अडवाणी यांना पण निमंत्रण दिलं नाही. राम मंदिरासाठी त्याग केला त्यांना ते बोलावणार नाहीत. ज्याचं योगदान नाही त्यांचा तो सोहळा आहे. संविधानिक पदावरील व्यक्तीला भान पाहिजे की आपली जात सांगितली नाही पाहिजे, असं म्हणत राऊतांनी नरेंद्र मोदींवर टीका केली आहे.

भाजप चिलीम मारून निघतात आणि पक्ष फोडतात, असा टोला राऊतांनी भाजपला लगावला आहे. माझ्या माहितीप्रमाणे फडणवीसांचे अच्छे दिन येणार आहेत, असं राऊतांनी म्हटलंय.

पहिले आपल्या पक्षातील आमदार चिमणराव पाटील यांनी स्वतचे आमदार गुलाबराव पाटील यांनी केलेल्या आरोपाची चौकशी करा. त्यांनी पत्र लिहून सांगितल आहे की आरोग्य यंत्रणेत कसा भ्रष्टाचार झाला आहे. हिंमत असेल तर आधी त्याची चौकशी करा, असं आव्हान राऊतांनी दिलं आहे.