“वेड्या लोकांचा प्रमुख वेडा, ठाकरेगट म्हणजे दोस्ताना पार्ट 3!”, नितेश राणे यांचा उद्धव ठाकरेंवर घणाघात

मुंबई : भाजप नेते नितेश राणे यांनी शिवसेना ठाकरेगटाचे पक्षप्रमुख उद्धव ठाकरे (Uddhav Thackeray) यांच्यावर टीका केली आहे. वेड्यांचा पक्षप्रमुख वेडा!, असं म्हणत नितेश राणे यांनी उद्धव ठाकरेंवर घणाघात केला आहे. “ठाकरेगट म्हणजे दोस्ताना पार्ट 3!”, असंही नितेश राणे (Nitesh Rane) म्हणालेत. तसंच खासदार संजय राऊत यांच्यावरही टीका केली आहे.

संजय राऊतांवर टीकास्त्र

संजय राऊत याचा वरचा भाग सटकलेला आहे. आपल्या नागपूर किंवा राज्यात वेड्यांचं रुग्णालय असेल तिथे संजय राऊत यांना ठेवा. त्यांची थर्टी फस्टची पार्टी वेड्यांच्या हॉस्पिटलमध्ये व्हायला हवी, असंही नितेश राणे म्हणालेत आहेत.

मुंबई महापालिकेत शिवसेनेच्या कार्यालयावरून काल राडा झाला. शिंदेगटाने या कार्यालयावर ताबा मिळवला. त्यावरही नितेश राणे बोलले. ते बाळासाहेब ठाकरे यांच्या शिवसेनेचं कार्यालय आहे. त्यांचा अधिकार ते घेणारच. जे बाळासाहेबांचं आहे ते सर्व शिंदेचे आहे. उद्धव ठाकरे यांचा वाटी एवढा ग्रुप राहिला आहे. त्यामुळे त्यांनी हट्ट सोडला पाहिजे, असं नितेश राणे म्हणालेत.

जिथे जिथे बाळासाहबे बसायचे तिथे शिंदेचा अधिकार आहे. उद्धव ठाकरे यांच्यासोबत उरलेले लोक कार्यालयात गेले होते. त्यांच्यावर गुन्हा दाखल व्हावा. जे जे बाळासाहेबांचं आहे ते शिंदेचं होणार, असं नितेश राणे म्हणालेत.

उद्धव ठाकरे काय बॉम्ब फोडणार आहेत? त्यांच्या मनगटात ताकत नाही. ते फक्त पॅन्टीतले बॉम्ब आहेत. त्यांना महत्व देऊ नका. त्यांना जुलाबाच्या गोळ्या द्यायला हव्यात, असं नितेश राणे म्हणालेत.

सचिन वाझेला बेटिंगसाठी फोन गेले. त्यांची नावे आमच्याकडे आहेत. त्या सर्वांची चौकशी व्हायला हवी, असंही नितेश राणे यांनी म्हटलं आहे.