धावपटू पीटी उषा, संगीतकार इलैयाराजा, वीरेंद्र हेगडे आणि व्ही. विजयेंद्र प्रसाद यांना राज्यसभेची उमेद्वारी; पंतप्रधान मोदींनी केले अभिनंदन

नवी दिल्ली : देशाची महान एथलिट पी टी उषा(Runners PT Usha), संगीतकार इलाई राजा(musicians Ilayaraja) यांच्यासह वीरेंद्र हेगडे(Virendra Hegde) आणि वी. विजयेंद्र प्रसाद( Vijayendra Prasad) यांना नामनिर्देशित केले आहे. पंतप्रधान नरेंद्र मोदी यांनी ट्विट करुन ही माहिती दिली आहे.

पी टी उषा यांच्या क्रीडाक्षएत्रातील कामगिरीबाबत सगळ्यांनाच माहिती असल्याचे पंतप्रधानांनी नमूद केले आहे. त्याचबरोबर त्यांनी नव्या खेळाडूंनाही मार्गदर्शन केल्याची माहितीही मोदींनी ट्विटमध्ये दिली आहे. त्यांच्या या कामगिरीचे कौतुक करत, त्यांना राज्यसभेसाठी नामनिर्देशित केल्याबद्दल त्यांचे अभिनंदन केले आहे.

इलैयाराजा यांच्या सर्जनशील प्रतिभा पिढ्यानपिढ्या लोकांना भुरळ घालत आहे. त्यांचा जीवन प्रवास तितकाच प्रेरणादायी आहे. त्यांना राज्यसभेवर उमेदवारी मिळाल्याचा आनंद आहे.

वीरेंद्र हेगडे यांनाही राज्यसभेची उमेद्वारी देण्यात आली आहे. सेवा क्षेत्रात त्यांचे मोलाचे योगदान आहे.  धर्मस्थळांमधील प्रार्थना, आरोग्य, शिक्षण आणि संस्कृतीक क्षेत्रात त्यांचे मोलाचे योगदान आहे असे ट्वीट मोदींनी केले आहे.