Sharad Pawar : ‘योद्धा ये महान है’… कोरोनामुक्त शरद पवारांना राष्ट्रवादी काँग्रेस पक्षाकडून खास शुभेच्छा!
आपली कोरोना चाचणी निगेटिव्ह आल्याची माहिती शरद पवार यांनी ट्विटरवरुन दिली आहे. यावेळी त्यांनी आपले डॉक्टर, सहकारी, मित्र आणि हितचिंतकांचे आभारही मानले आहेत. शरद पवार कोरोनामुक्त झाल्यानंतर राष्ट्रवादी काँग्रेस पक्षाच्या फेसबुक पेजवर एक खास व्हिडीओ पोस्ट करण्यात आला आहे. 'समय बलवान हैं, योद्धा ये महान हैं' असं एक गीत तयार करण्यात आलं आहे.
मुंबई : देशाच्या राजकारणातील मोठं व्यक्तीमत्व आणि राष्ट्रवादी काँग्रेसचे सर्वेसर्वा शरद पवार (Sharad Pawar) यांनी पुन्हा एकदा एका आजारावर मात केली आहे. सात दिवसांपूर्वी शरद पवार यांची कोरोना चाचणी पॉझिटिव्ह (Corona Positive) आली होती. त्याबाबत खुद्द पवार यांनीच ट्विटरद्वारे माहिती दिली होती. तसंच आपली प्रकृती उत्तम असून, डॉक्टरांच्या सल्ल्यानुसार घरीच उपचार सुरु असल्याचंही त्यांनी सांगितलं होतं. त्यानंतर आज आपली कोरोना चाचणी निगेटिव्ह (Corona Negative) आल्याची माहितीही पवार यांनी ट्विटरवरुन दिली आहे. यावेळी त्यांनी आपले डॉक्टर, सहकारी, मित्र आणि हितचिंतकांचे आभारही मानले आहेत. शरद पवार कोरोनामुक्त झाल्यानंतर राष्ट्रवादी काँग्रेस पक्षाच्या फेसबुक पेजवर एक खास व्हिडीओ पोस्ट करण्यात आला आहे. ‘समय बलवान हैं, योद्धा ये महान हैं’ असं एक गीत तयार करण्यात आलं असून, त्यात पवार यांच्या राजकीय क्षेत्रातील प्रवेशापासून ते विविध क्षेत्रातील छटा दाखवण्यात आल्या आहेत.
अडीच मिनिटाच्या या व्हिडीओमध्ये शरद पवार यांच्या राजकीय कारकिर्दीची सुरुवात ते आतापर्यंतचा प्रवास दाखवण्यात आला आहे. विविध राष्ट्रीय आणि आंतराष्ट्रीय पातळीवरील नेते, दिग्गज व्यक्तींसोबत असलेले पवारांचे फोटो आणि व्हिडीओ यात वापरण्यात आले आहेत. त्यात दिवंगत अभिनेते दिलीप कुमार, माजी राष्ट्रपती दिवंगत एपीजे अब्दुल कलाम, अमेरिकेचे माजी राष्ट्राध्यक्ष बराक ओबामा, माजी पंतप्रधान अटलबिहारी वाजपेयी, भाजपचे ज्येषठ नेते लालकृष्ण अडवाणी, शिवसेना प्रमुख बाळासाहेब ठाकरे, माजी पंतप्रधान दिवंगत राजीव गांधी, पंतप्रधान नरेंद्र मोदी, मुख्यमंत्री उद्धव ठाकरे आदींचा समावेश आहे. त्याचबरोबर शरद पवार यांचा महाराष्ट्राच्या मुख्यमंत्रीपदाचा कार्यकाळ, केंद्रात संरक्षणमंत्री, कृषी मंत्रीपदाची सांभाळलेली जबाबदारी, बीसीआयचे अध्यक्षपद अशा अनेक जबाबदाऱ्या पेलतानाचे पवार तुम्हाला या व्हिडीओत पाहायला मिळतात. ‘समय बलवान हैं, योद्धा ये महान हैं… हर अर्जुन का सारथी, ये इसकी पहचान हैं’ असं हे गीत राष्ट्रवादीच्या कार्यकर्त्यांसह सामान्य माणसांनाही खूप भावलं आहे.
शरद पवारांची कोरोनावर मात
शरद पवार यांनी कोरोनावर मात केली आहे. अवघ्या सात दिवसांमध्ये शरद पवार यांनी कोरोनावर मात केली आहे. शरद पवार यांनीच आपण कोरोनामुक्त झाल्याची माहिती ट्विटरवरून दिली आहे. आज माझी पुन्हा एकदा कोरोना चाचणी करण्यात आली. कोरोना चाचणीचा अहवाल निगेटिव्ह आला आहे. माझी तब्येत देखील चांगली आहे. मला कोरोना झाल्यानंतर मी लवकर बरा व्हावा यासाठी अनेकांनी प्रार्थना केली, ते माझे सर्व सहकारी, मित्र, हितचिंतक आणि डॉक्टरांचे मी आभार मानतो असे शरद पवार यांनी म्हटले आहे. सात दिवसांपूर्वी शरद पवार यांची कोरोना चाचणी पॉझिटिव्ह आली होती. पवार यांना कोरोनाची लागण झाल्याचे समजताच स्वपक्षासह विरोधी पक्षातील अनेक नेत्यांनी सुद्धा पवार यांच्या तब्येतीची विचारपूस केली होती.
My Covid-19 RT-PCR is Negative today. I am grateful to my Doctors, Friends, Colleagues and Well wishers for all the prayers and wishes for my speedy recovery.
— Sharad Pawar (@PawarSpeaks) January 31, 2022
24 जानेवारीला झाली होती कोरोनाची लागण
शरद पवार यांना 24 जानेवारी रोजी कोरोनाची लागण झाली होती. कोरोनाची सौम्य लक्षणे जाणवत असल्याने त्यांनी कोरोना चाचणी केली. त्यांचा कोरोना चाचणीचा अहवाल पॉझिटिव्ह आढळून आला होता. त्यावेळी देखील शरद पवार यांनी ट्वीट करत कोरोना अहवाल पॉझिटिव्ह आल्याचे सांगितले होते. तसेच आपल्या संपर्कात आलेल्या सर्वांनी कोरोना चाचणी करून घ्यावी अशी विनंती देखील त्यांनी केली होती. डॉक्टरांच्या सल्ल्यानुसार घरीच पवारांनी उपचार घेतले होते. अखेर उपचाराअंती पवारांनी कोरोनावर मात केली आहे.
माझी कोविड टेस्ट पॉझिटिव्ह आली असून डॉक्टरांच्या सल्ल्यानुसार मी उपचार घेत आहे. काळजीचे कोणतेही कारण नाही.
गेल्या काही दिवसांपासून माझ्या संपर्कात आलेल्या सर्वांना विनंती की त्यांनी योग्य चाचण्या करून आवश्यक ती खबरदारी घ्यावी.— Sharad Pawar (@PawarSpeaks) January 24, 2022
इतर बातम्या :