Amarnath Yatra 2022: अमरनाथ यात्रेची पहिली तुकडी रवाना; पहिल्या तुकडीमध्ये 3 हजार भाविकांचा समावेश
हर हर महादेवच्या जयघोषात भाविकांची पहिली तुकडी (First batch) आज सकाळी श्री अमरनाथ यात्रेसाठी (Amarnath yatra 2022) रवाना झाली आहे. यात्रेकरूंच्या पहिल्या तुकडीला जम्मू आणि काश्मीरचे नायब राज्यपाल मनोज सिन्हा उपस्थित होते. पहिल्या तुकडीतील 3 हजाराहून अधिक यात्रेकरू आज पहाटे काश्मीर खोऱ्याकडे रवाना झाले. विशेष म्हणजे, कोरोना संसर्गानंतर अमरनाथ यात्रा सुमारे दोन वर्षांपासून होत आहे. […]
हर हर महादेवच्या जयघोषात भाविकांची पहिली तुकडी (First batch) आज सकाळी श्री अमरनाथ यात्रेसाठी (Amarnath yatra 2022) रवाना झाली आहे. यात्रेकरूंच्या पहिल्या तुकडीला जम्मू आणि काश्मीरचे नायब राज्यपाल मनोज सिन्हा उपस्थित होते. पहिल्या तुकडीतील 3 हजाराहून अधिक यात्रेकरू आज पहाटे काश्मीर खोऱ्याकडे रवाना झाले. विशेष म्हणजे, कोरोना संसर्गानंतर अमरनाथ यात्रा सुमारे दोन वर्षांपासून होत आहे. यात्रेवर दहशतवादी धोका (terror attack) निर्माण होण्याची शक्यता लक्षात घेऊन प्रशासनाने कडेकोट सुरक्षा व्यवस्था केली आहे. अमरनाथ यात्रेपूर्वी लष्कर या दहशतवादी संघटनेने धमकी दिली आहे. अशा परिस्थितीत अमरनाथ यात्रेदरम्यान सुरक्षेच्या दृष्टीने यात्रेकरूंना घेऊन जाणाऱ्या वाहनांवर रेडिओ फ्रिक्वेन्सी आयडेंटिफिकेशन (RFID) टॅग लावण्यात आले आहेत.
आतापर्यंत ३ लाख प्रवाशांनी केली आहे नोंदणी
यावेळी अमरनाथ यात्रेसाठी सुमारे तीन लाख भाविकांनी नोंदणी केली आहे. श्री अमरनाथजी श्राइन बोर्डाने आपल्या वेबसाईटवर ही माहिती दिली आहे. अमरनाथ यात्रेचे व्यवस्थापन श्री अमरनाथजी श्राइन बोर्ड करते. अमरनाथ यात्रा दक्षिण काश्मीरमधील पहलगाममधील पारंपारिक 48 किमी नुनवान आणि मध्य काश्मीरमधील गंदरबलमधील 14 किमी लहान बालटाल या दोन मार्गांनी सुरू होईल.
मुस्लिम मेंढपाळाने शोधली होती अमरनाथ गुहा
अमरनाथ यात्रेला हिंदू धर्मीयांसाठी विशेष महत्त्व आहे. अमरनाथ गुहेचा शोध जम्मू-काश्मीरमधील पहलगाम गावातील एका मुस्लिम कुटुंबाने लावला होता. या घरातील एका मेंढपाळाने ही गुहा शोधून काढल्याचे मानले जाते. अमरनाथ गुहा हे भगवान शिवाच्या प्रमुख धार्मिक स्थळांपैकी एक आहे. अमरनाथला तीर्थक्षेत्र म्हटले जाते कारण येथेच भगवान शिवाने माता पार्वतीला अमरत्वाचे रहस्य सांगितले अशी मान्यता आहे.
अशी आहे अमरनाथची गुहा
बाबा अमरनाथची गुहा हिमाच्छादित पर्वतांनी वेढलेली आहे. उन्हाळ्यातील काही दिवस वगळता ही गुहा नेहमीच बर्फाने झाकलेली असते. या दिवसांत ही गुहा यात्रेकरूंच्या दर्शनासाठी खुली राहते. दरवर्षी येथे नैसर्गिकरित्या बर्फाचे शिवलिंग तयार होते. या पवित्र गुहेची लांबी 19 मीटर, रुंदी 16 मीटर आणि उंची 11 मीटर आहे. हे शिवलिंग चंद्राच्या प्रकाशाने कमी होत राहते. श्रावण शुक्ल पौर्णिमेला म्हणजेच रक्षाबंधनाला शिवलिंग पूर्ण आकारात असते. त्यानंतर येणाऱ्या अमावास्येपर्यंत त्याचा आकार कमी होतो. शिवलिंगाचे दर्शन घेण्यासाठी दरवर्षी लाखो भाविक अमरनाथला जातात.
(वरील माहिती उपलबध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
| महाराष्ट्र राज्य विधानसभा | सत्तेचं गणित |
|---|---|
| विधानसभेचे एकूण सदस्य | 288 |
| दिवंगत सदस्य | 01 |
| कारगृहात सदस्य | 02 |
| सध्याची सदस्य संख्या | 285 |
| एकनाथ शिंदे गटाकडे किती आमदार | 39 |
| आता सभागृहाची सदस्य संख्या | 285 |
| बहुमताचा आकडा | 143 |
| भाजपचं संख्याबळ | भाजप (106)+शिंदे गट (39)+अपक्ष (27)=172 |
| मविआचं संख्याबळ | शिवसेना (16)+ राष्ट्रवादी (51)+ काँग्रेस (44)= 111 |
| शिंदे गट भाजपसोबत न गेल्यास भाजपकडे किती संख्याबळ? | भाजप (106)+ अपक्ष (27) = 133 |